2015-imi januaarip aallaqqaataanit Sisimiuni bussit angalasarnerat

Meeqqerivik Uiaq-p ilinniartunullu inissiat nutaat eqqaanni, Kussangasup Eqqaavimmullu akornanni aqqusineq 2014-imi aasakkut naammassineqarpoq. Bussit Kussangasuniit Adammip Aqqusernatigut utimut angalanani, maannakkut Eqqaavimmut Aqqutaatigut Uiaq-p eqqaani nutaamik bussinut unittarfilerlugu angalasalissaaq. Brugseneeqqap eqqaani bussinut unittarfik atorunnaarsinneqassaaq, Qeqqata Akademiilli eqqaani bussit unittarfiat innersuussutigineqassalluni.
Akia A20 Emiliap Aqqusernani illut pingasut eqqaanni nutaamik bussit unittarfilerlugu aqqutaa tallineqarpoq.
28. januar 2015

Meeqqerivik Uiaq-p ilinniartunullu inissiat nutaat eqqaanni, Kussangasup Eqqaavimmullu akornanni aqqusineq 2014-imi aasakkut naammassineqarpoq. Bussit Kussangasuniit Adammip Aqqusernatigut utimut angalanani, maannakkut Eqqaavimmut Aqqutaatigut Uiaq-p eqqaani nutaamik bussinut unittarfilerlugu angalasalissaaq. Brugseneeqqap eqqaani bussinut unittarfik atorunnaarsinneqassaaq, Qeqqata Akademiilli eqqaani bussit unittarfiat innersuussutigineqassalluni.
Akia A20 Emiliap Aqqusernani illut pingasut eqqaanni nutaamik bussit unittarfilerlugu aqqutaa tallineqarpoq.

Sanaluttartut sannaviata eqqaani aqqusineq allanngortinneqarpoq, taamaalilluni bussinut unittarfik eqqaaniittoq atorunnaarsinneqarluni, Spar Piniutilli eqqaani bussinut unittarfik innersuussutigineqassaaq.
Aasamut RAL nutaamik isertarfilerneqarneratigut quersuup eqqaani aqqusineq allanngortinneqassaaq, tamatumunngalu atatillugu orsersortarfiup eqqaaniittoq bussinut unittarfik quersuup eqqaanut nuunneqassalluni.

Aqqusinersuarmi Paamaap Kuap Blok 13-ip eqqaani biilinik angallattoqarnerani isikkivimmut ajoqutaanera patsisaalluni, bussinut unittarfik atorunnaarsinneqassaaq, aqquserngulli illuatungaaniittoq Aqqartarfiup eqqaaniittoq bussinut unittarfik innersuussutigineqassalluni.
Aqqusinersuarmi Hotelip qanittuani bussinut unittarfik atorunnaarsinneqassaaq, akiatungaanilu Ittukasiup Aqquttaata eqqaaniittumut, innarluutillit sannavianut qaninnerusoq bussinut unittarfik innersuussutigineqassalluni.

Bussit angalasarnerat nutaaq nunap assingani takuneqarsinnaavoq, bussillu unittarfiinut nalunaaqutaq qassinut apuuttarnissaat takuneqarsinnaalluni. Paasissutissat bussinit, Polar Entreprise-p allaffianit kiisalu Teknikkimut Avatangiisinullu immikkoortortamit pissarsiarineqarsinnaapput.
Bussinut unittarfiit nutaat bussinik atuisussanut nutaanut nuannaarutigineqarnissaat neriuutigalugu, ukiortaami pilluaqqusivugut.

Ilanngussaq:

Sisimiuni bussit angallavii 2015 - Asseq

Bus køreplan i Sisimiut 2015 - Pjece