Sisimiuni atuarfittaarsuaq naammassivilluni atoqqaartinneqarpoq

Tallimanngorneq 2015-mi februaarip 13-ani nalunaaqutaq qulinut Ilinniartitaanermut Kulturimut Sunngiffimmullu ataatsimiititaliap siulittaasua Evelyn Frederiksen atuarfik pisortatigoortumik atoqqaartillugu suaarutigaa.
13. februar 2015

Tallimanngorneq 2015-mi februaarip 13-ani nalunaaqutaq qulinut Ilinniartitaanermut Kulturimut Sunngiffimmullu ataatsimiititaliap siulittaasua

Evelyn Frederiksen atuarfik pisortatigoortumik atoqqaartillugu suaarutigaa.

Atuarfik ukiut 67-it qaangiupput siullermik sananeqarmat. Ukioq 2012-imiit maanna 2015 aallartereersimalernerani atuarfik nutaarsuaq naammassivinneqarpoq. Atuarfiup suliarineqarnerani atuartut 407-t inimiit inimut allamut nuuttaqattaartareerlutik maanna eqqissillutik atuarsinnaalerput, ilinniartitsisullu 45-t pisortallu marluk ilinniartitsinissaminnut inissaqarlualerput.

Atuarfik 24-inik klassinut ineqarpoq, 14-inik ataatsimuualaartarfeqarpoq (grupperum), init qulingiluat faginut ilinniarfiit (faglokaler), eqaarsaartarfik kiisalu atuakkanillu atorniartarfik.

Atuarfiup pisortaa Nivi Heilmann Efraimsen oqalugiareermat Ilinniartitaanermut Naalakkersuisoq Nivi Olsen allunaasamik aappaluttumik qiorsisuuvoq, atuartunullu siunnersuilluni atuarfik kusanaqisoq paarilluarumaaraat.

Atuartut ilinniartitsisut peqataasullu allat atuarfiup silataanukariarlutik seqinnarilluni qaammaarikkaluaqisoq qummoroortartut qaartarneri nippaarillutillu takuneqarsinnaapput.

Kaffi tii kaafinillu najuuttunut sassaalliisoqarpoq assigiinngitsunillu meeqqat namminneq aaqqissugaannik aliikkusersuinerpassuarnik nuannarineqaqisunik takutitsisoqarluni.