Aggerlutit peqataajartorit Kangerlussuup Katersugaasivia Sisimiut Katersugaasiviallu kattuppata

Kangerlussuup Katersugaasia namminersortunit ingerlanneqarsimagaluartoq piginnittut Qeqqata Kommunianut tunniutissallugu qinersimavaat. Taama pisoqarnera nalliuttorsiutiginiarparput Kangerlussuup Katersugaasiviani kaffillerluta kaagillerlutalu.
19. februar 2015

Kangerlussuup Katersugaasia namminersortunit ingerlanneqarsimagaluartoq piginnittut Qeqqata Kommunianut tunniutissallugu qinersimavaat. Taama pisoqarnera nalliuttorsiutiginiarparput Kangerlussuup Katersugaasiviani kaffillerluta kaagillerlutalu.

Ataasinngorneq ulloq 23. februar 2015 nal. 16-18

Sisimiut Katersugaasiviata Qeqqata Kommuniatalu nuannaarutigaat Katersugaasiviup pissanganartup kingunissamut attatiinnarneqarsinnaanera.


Kangerlussuup Katersugaasivia silaannakkut angallassinerup oqaluttuassartaanik Katersugaasiviuvoq, inissisimalluni Amerikarmiut US Air Force-p qullersaqarfigisimasaanni ateqartinneqarsimalluni Sondrestrom Air Base. Sakkutooqarfiup oqaluttuassartaa aamma Katersugaasivimmi oqaluttuarineqarpoq, inillu arlallit amerikarmiuneersut suli atallutik. Nunataani ilisimatusarnikkut suliniutit aamma paasissutissaatigineqarput, ilaatigut Sermersuarmiit qillerinerit pingaarutillit. Taamaammat pissutissaqarluarpoq Kangerlussuup Katersugaasivia pulaassallugu.