Rosa soraarninngorpoq

Tallimanngorneq 2015-mi januaarip 30-ani Sisimiuni kommunip ataatsimiittarfissuani Rosa Heilmann naggataartinneqarpoq.
3. februar 2015

Tallimanngorneq 2015-mi januaarip 30-ani Sisimiuni kommunip ataatsimiittarfissuani Rosa Heilmann naggataartinneqarpoq.

- Isikkumigut utoqqalinngikkaluarluni immaqa inuusuttutut isikkoqarnerugaluarluni, inuunitsinnili salloqittarsinnaanngiivippagut kuisinnermut allagartagut. Taamaammat taanna tunngavigalugu naggataarnersiorneq maanna ingerlapparput. Qujanarujussuaq Sisimiut kommuniani massakkullu Qeqqata Kommuniani sulisimaninnut. Ajunnginnerpaamik siunissamut ilaquttatillu kissaappassi, taamatut oqaaseqarpoq borgmesteri Hermann Berthelsen.

Rosa pisortat ataani ukiut 45-t sinnerlugit sulereersimalerluni soraarninngorpoq.

Rosa-p ilaqutai, suleqatai ikinngutaalu kalaaliminertuutigalutik naggataaqatigivaat.
Rosa Heilmann


Rosa ilaquttanilu


Borgmesteri Hermann Berthelsen Rosa assammippaa


Isersimasut huraartorput

 


Emma Jensen ukiorpaalunni suleqatigisimasaa kalaaliminertorlualaavippoq


Rosap ikinngutai atuaqatigisimasaalu