Maniitsumi Innuttaasut Sinniisaasa aallartilluarnera

Ippassaq ulloq 02/03-2015 Maniitsumi Innuttaasut Sinniisaat eqimattakkuutaanik aallartitsiviusumik innuttaasunik ataatsimiisinneqaqqammerput. Innuttaasut 40-it tungaanut takkussimapput.
3. marts 2015

Ippassaq ulloq 02/03-2015 Maniitsumi Innuttaasut Sinniisaat eqimattakkuutaanik aallartitsiviusumik innuttaasunik ataatsimiisinneqaqqammerput. Innuttaasut 40-it tungaanut takkussimapput.

Eqimattakkuutaat soqutiginaatillit pilersinneqarsimasut Maniitsumi Innuttaasut Sinniisaanik ataqatigiissaarisoqarfiusut aallartilluartutut taasariaqarput. Eqimattakkuutaat maannakkumut 5-it pilersinneqartut makku taaneqarsinnaapput:

1. Maniitsumi Inuussutissarsiutitigut Inerisaanissaq pillugu eqimattaq
2. Ilaqutariit, peqqinneq sunngiffillu pillugu eqimattaq
3. Illoqarfiup Kusassarnissaa/tikikkuminarnerulernissaa pillugu eqimattaq
4. Maniitsumi Piorsarsimassutsikkut Pikialaarnerulernissaq pillugu eqimattaq
5. Qeqqata Kommuniata kommunerujussuanngorsimanera pillugu nalilersuinissamut eqimattaq

Eqimattat tamarmik Maniitsumi Innuttaasut Sinniisaasa siulersuisuineersunik ataqatigiissaarisoqarput, tassaasunik:

1. Lauritz Kreutzmann
2. Teera Grønvold
3. Peter Poulsen / Marianne S. Møller
4. Johannes Fly
5. Mads Petersen

Unnuup ingerlanerani eqimattat ataatsimiittarnissatik pilersaarusiorpaat, ilaatigullu eqimattat iluani suut eqqartorneqarsinnaanersut pillugit ataqatigiissaarisut attavigineqarsinnaapput.

Eqimattat innuttaasunik ataatsimiisitsisarnerat sapaatip akunnera 11 aallartilluassapput, innuttaasunillu ornigarneqarluarnissarput neriuutigaarput.

Siulersuisut sinnerlugit

Mads Petersen
Siulittaasoq
Mobil: +299 53 47 46
Mail: mpe@mit.gl (Arbejde)
Mail: meku@greennet.gl (Privat)