Kommunip atuilluartuunissamik aningaasaliis­suteqarnissaanik qinnuteqarnissaq eqqaamallugu

Qeqqata Kommunia 2020-mi atuilluartuuffiorusuppoq, isumaqarpugullu atuilluartuunissamik suliniutitigut innuttaasut peqataatinnerat innuttaasut nammineq kajumissutsiminnik suliniutillit akornanni pisinnaasoq.
12. marts 2015

Qeqqata Kommunia 2020-mi atuilluartuuffiorusuppoq, isumaqarpugullu atuilluartuunissamik suliniutitigut innuttaasut peqataatinnerat innuttaasut nammineq kajumissutsiminnik suliniutillit akornanni pisinnaasoq.

Atuilluartuunissamut atatillugu isumassarsiaqarluarpit, soorlu makkunuuna:

  • Meeqqat inuusuttullu atugaasigut pitsanngorsaataasinnaasumik?
  • Innuttaaqataanikkut akisussaaqa­taanerup nukittorsarsinnaaneratigut?
  • Innuttaasunut sunngiffimmi pitsaasunik sammisassaqartitsiniut taaneqarsin­naasutigut
  • Avatangiisitsitigut pitsanngorsaataasinnaasutigut?

Pilersaaruteqaruit atuilluartuunissamik aningaasaliissutissanik qinnuteqarsin­naavutit. Kommunip katillugit annerpaamik 100.000 koruunit agguaatassarivai.

Inuiaqatigiit atuilluarnermik siunertaqartumik ingerlalernissaanni innuttaasut, peqatigiiffiit suliniaqatigiiffiillu namminneq iliuuseqarusuttut tapersersornissaat atuilluartuunissamik aningaasaateqarfiup siunertarivaa.

Qinnuteqarnissami piffissaq: 2015-imi aprilip 1-ia.

Qinnuteqaatit uunga ingerlatiguk:
qeqqata@qeqqata.gl
imaluunniit
Qeqqata Kommunia
Makkorsip Aqqusernga 2
Postboks 1014
3911 Sisimiut

Atuilluartuunissamik aningaasaateqarfiup piumasaqaatitai malittarisassaalu kiisalu immersugassaq uaniipput 2020-imi Atuilluartuunerup ataani imaluunniit najugaqarfinni kommunip allaffiani/kiffartuussiviani pappialan­ngorlugit pisinnaavatit.