Sisimiuni umiarsualiviup kitaatungaani Immikkoortoq B1-imi sanaartorfissat

Kommunip pilersaarusiorfigineqarnerani tapiliussaq nr. 4-mi, umiarsualiup kitaatungaani aalajangersakkatigut sanaartorfissat ilaatinneqarput.
Sanaartorfissaq B1.1-imi – sanaartorfissat tallimat tullinnguuttunut atorneqarsinnaasut.
Umiarsualivik, aamma umiarsualivimmi tunisassiornermut kiffartuussinermullu attuumassutilimmik suliffeqarfinnik umiarsualivimmi attuumassutilinnik pilersitsinissamut periarfissaq.

13. marts 2015

Kommunip pilersaarusiorfigineqarnerani tapiliussaq nr. 4-mi, umiarsualiup kitaatungaani aalajangersakkatigut sanaartorfissat ilaatinneqarput.

Sanaartorfissaq B1.1-imi – sanaartorfissat tallimat tullinnguuttunut atorneqarsinnaasut.
Umiarsualivik, aamma umiarsualivimmi tunisassiornermut kiffartuussinermullu attuumassutilimmik suliffeqarfinnik umiarsualivimmi attuumassutilinnik pilersitsinissamut periarfissaq.
Sanaartorfissat tamarmik amerlanerpaamik pingasunik quleriilinnut immikkoortitaapput, qaqqaaqqallu saani toqqavissat 450 kvm-imik, qaqqallu iluani 1000 kvm-imik annertussuseqassallutik.
Nunaminertat inissisimanerat kommunip pilersaarusiorfigineqarnerani tapiliussami nr. 4-mi ilanngussami 2-mi takuneqarsinnaapput.
Sanaartorfissanik pissarsinermut atatillugu sanaartorfissagissaanermut akiliuteqarnissamik piumasaqaateqartoqassaaq.
Sanaartorfissat saqqummiunneqartut 2015-imi apriilip 7-iani sanaartorfigineqarsinnaanngornissaat naatsorsuutigineqarpoq.

Nunaminertamik inniminniinissamik qinnuteqarneq:
Piumasaqaataasartunut nalinginnaasunut tapiliussatut, nunaminertanik qinnuteqartunut teknikkikkut piareersimanermik aningaasaqarnikkullu piareersimanermik uppernarsaasinnaasunut nunaminertat atukkiunneqassapput. Qinnuteqarfissap naanerani uppernarsaat pigineqalereersimassaaq.
Nunaminertanik atugassiinermi/inniminniinermi pingaartinneqassaaq, suliffeqarfik nunaminertamik atugassinneqartup kommunip pilersaarusiorfigineqarnerani atugassatut immikkoortitai sapinngisamik piaartumik piviusunngortissagai.

Teknikkikkut piareersimaneq:

  • Sanaartorfissatut qinnutigineqartumi ingerlatsinissamut suliniummik suliarilluakkamik pigisaqartoqarnissaa pingaartinneqassaaq.

Aningaasaqarnikkut piareersimaneq:

  • Suliffeqarfik nunaminertamik qinnuteqaateqartup teknikkikkut nassuiaammi sanaartortugassamik ersersitsisumik atortulersuutinut aningaasaliissutissanik pissarsisinnaanermut uppernarsaammik takutitsisinnaanersoq pingaartinneqassaaq.

Aammattaaq ilanngunneqassapput:

  • Sanaartugassap qaqugu aallartinneqarnissaanut naammassineqarnissaanullu piffissaliussaq.
  • Sanaartorfigissaanermut akileeqataanissamut aningaasartuutinut akiliisinnaanermut qinnuteqartup aningaasalersuisinnaanerminut kiisalu sanaartugassatut eqqarsaataasup sanaartorfioreerluni nunaminertamik atuilernissamut uppernarsaatitaa.

Paasissutissanik taakkunannga pigisaqartut qinnuteqartut kisimik tiguneqassapput. Qinnuteqartup nammineq akisussaaffigissavaa, qinnuteqaat naammattumik eqqortumillu paasissutissartaqarnersoq.
Paasissutissanik, uppernarsaatinik qinnuteqaatillu ingerlariaasianut nalornissuteqartoqaruni, imaluunniit paasissutissanik allanik pisariaqartitsisoqaruni, tamanna Teknikkimut Avatangiisinullu immikkoortortamut saaffiginnissutigineqarsinnaavoq. Qinnuteqarnissamut immersugassaq uani aaneqarsinnaavoq www.nunagis.gl

Nunaminertamik inniminniilluni qinnuteqaatit, Qeqqata Kommunia, Teknikkimut Avatangiisinullu immikkoortortaq, Postboks 101, 3911 Sisimiut tunniunneqassapput. Qinnuteqaatit sanaartorfissatut kissaatinik tulleriaakkanik imaqartinneqassapput. Qinnuteqaatit kingusinnerpaamik pingasunngornermi 7. april 2015 nal. 14 tiguneqarsimasut piffissaagallartillugu tunniunneqarsimasutut isigineqassapput.

Piffissaq eqqorlugu qinnuteqaatit tiguneqartut tamarmik ataatsimut tiguneqarsimasutut isigineqassapput. Sanaartorfissanut ataasiakkaanut qinnuteqartut piukkunnartut arlaliuppata, makitsinikkut aalajangiisoqassaaq.
Qinnuteqarfissap naanerani sapinngisamik piaartumik agguaasoqassaaq makitsisoqarluniluunniit, tamatuma kingorna nunaminertamik inniminniinermik pigisaqalersoq nunaminertamik atugassinneqarnissamik qinnuteqarnissamut qaammatini pingasuni periarfissaqalissaaq. Nunaminertamik atugassiilluni Qeqqata Kommunia tunniussinerani sanaartorfigissaanermut akileeqataassutissaq ulloq taanna akilerneqassaaq, aammalu nunaminertamik atugassiinermi tunniussisoqartinnagu akiliisimanermut uppernarsaammik piumasaqarnissamut kommuni pisinnaatitaavoq.

Qinnuteqarfissap naanerata kingorna nunaminertanik atunngitsoqarpat, Qeqqata Kommunianut saaffiginninnikkut nunaminertanik atugassinneqarnissamik qinnuteqartoqarsinnaavoq.

Kommunip pilersaarusiorfigineqarneranut tapiliussami nr. 15-imi Sisimiuni Akiani Najugaqarfissiamut, nunaminertanik inniminniinnermut nunaminertanillu atugassiisarnermut periutsit kiisalu sanaartorfigissaanermut akileeqataassutissanik agguaasarnermut akileeqqusinermullu aalajangersakkat kommunip pilersaarusiorneqarnerani digitaliusumi http://qeqqata.odeum.com/ naapertorlugu pissaaq.