Qitsuuteqarpit?

Qitsuutit paarilluanngikkukku eqqaamiussinnut ajoqutaangaatsiarsinnaavoq. Qitsuk angutiviaq issuigaanngitsoq sumiiffimmik nalunaaqutsiiniarluni sunut tamanut quttarniartarpoq. Qitsuup angutivissap issuigaanngitsup quua assorsuaq tipittarpoq.
20. maj 2015

Qitsuutit paarilluanngikkukku eqqaamiussinnut ajoqutaangaatsiarsinnaavoq. Qitsuk angutiviaq  issuigaanngitsoq sumiiffimmik nalunaaqutsiiniarluni sunut tamanut quttarniartarpoq.  Qitsuup angutivissap issuigaanngitsup quua assorsuaq tipittarpoq.

Qitsuit angutivissat illoqarfiup ilaani barnevogninut, qamutinut motoorilinnut, aneerasaartarfinnut, matut silarliup nalaanut sunullu tamanut quttartarnerat innutaasunit ajornartorsiutigineqarpoq. Qitsuit barnevogninut quttartarnerat peqqinnanngilaq akuerineqarsinnaananilu.  Angutivissamik issuigaanngitsumik qitsuuteqaruit, issuigaanissaa isumagisariaqarpat.

Ajoraluartumik uumasut nakorsaanit Sisimiut tikikulaneqanngilaq. Taamaattorli ikinngutit/ilaquttat/ilisarisimalluakkat aqqutigalugit, imaluunniit nammineq timmisartumik Ilulissanut karsi angallattagaq atorlugu issuigaartikkiartorsinnaavoq. Tamanna pitinnagu uumasut nakorsaat qitsuup issuigaanissaa pillugu isumaqatigiissuteqarfiginiarlugu attavigineqassaaq. Qitsuk issuigaaniagaq timmisartumik Ilulissanukalersunut nassartillugu akeqartariaqanngilaq.

Kommunini qitsunnut ileqqoreqqusat nutaaq marsimi atuutilerpoq. Maleruaqqusani nutaami tullinguuttut atuutilerput

  • Qitsuit silami angalaannartinneqaqqusaanngillat
  •  Qitsuuteqarsinnaanermut akuersissummik qinnuteqat Teknikkimut Avatangiisinullu Immikkoortortamut nassiunneqassaaq.
  • Qitsummik piginnittumit qitsuk Teknikkimut Avatangiisinullu Immikkootortamut nalunaarutigineqassaaq.
  • Qitsuit angutivissat issuigaasimassapput.
  • Qitsuit arnavissat kinguaassiorsinnaajunnaarsineqassapput  naartunaveersaatitortinneqarlutilluunniit.
  • Qimminik nakkutilliisoq qitsummik angalaannartumik tigusiguni, qitsuk ullut pingasut tigummigallarneqartarpoq. Piginnittumik qitsuk aaneqanngippat  toqunneqartarpoq.

Qitsuutit qimminik nakkutilliisumit tiguneqarsimava? Qitsuk tiguneqartoq qimmit nakkutilliisuanit assilineqartarpoq, asserlu atortuusiviup matuanut nivinngarneqarluni. Atortuusivik Taseq Amitsoq B-1186-imi inissisimavoq. Qitsuup ulloq tiguneqarfia assimut allanneqartarpoq, taamatullu aaneqanngippat qaqugu toqunneqassanersoq allassimalluni.

Qitsummik angalaannartumik naammattoorsiguit qimminik nakkutilliisoq attavigiuk.