2015-imi Sisimiut aqutsiveqarfiani ukiaanerani umimmanniarnissaq

Efterårsjagten for 2015 i forvaltningsområdet Sisimiut i Qeqqata Kommunia starter d. 1.august 2015 og kører frem til d. 15. oktober 2015.
9. juli 2015

Qeqqata Kommuniani Sisimiut aqutsiveqarfiani 2015-imi ukiaanerani umimmanniarneq 2015-imi aggustip aallaqqaataani aallartissaaq, 2015-imilu oktobarip 15-iata tungaanut ingerlassalluni.

Piffimmut umimmaat 300-it ukiuunerani umimmanniarnissami Namminersorlutik Oqartussa-nit pisassiissutigineqarput.

Piffimmut pineqartumut killilikkamik pisassiisoqarnera pissutigalugu akuersissummik qinnuteqartitsineq ingerlanneqassaaq. Tamatuma kingorna qinnuteqartut akornanni makitsisoqas-saaq, qinnuteqartullu amerlassusii apeqqutaallutik akuersissutit qinnuteqartunut ataasiakkaanut pisassiissutit qassiussanersut aalajangiisuussalluni. Erseqqissaatigineqassaaq: Sisimiut aqutsiveqarfiani ukiaanerani umimmanniarnermi QAMUTERALAAT ATV-LLU UMIMMANNIK MALERSUINERMI PINIARNERMILU ATORNISSAAT INERTEQQUTAALLUINNARMAT.

Qinnuteqartitsineq nunaqarfinni kommunip allaffiinut, Sisimiuni kommunip saaffiginnittarfianut aammalu Sisimiuni piniarnermut aalisarnermullu siunnersortimut saaffiginninnikkut pissaaq. Ilisimatitsissutigineqassaaq qinnuteqarsinnaanermut piumasaqaataammat, piniarnermut allagartap atuuttup akilereersimanissaa aammalu qinnuteqartut 16-inik ukioqalereersimanissaat.

Piffimmut ukiaanerani umimmanniarnissami qinnuteqartitsineq ataasinngorneq 27. juli 2015 nal. 14.00 killeqarpoq.

- * -

Ilanngullugu ilisimatitsissutigineqassaaq Qeqqata Kommuniani Maniitsup aqutsiveqarfiani ukiaanerani umimmanniarneq 2015-imi aggustip aallaqqaataani aallartissammat, 2015-imilu oktobarip 15-iata tungaanut ingerlassalluni, aqutsiveqarfimmili tassani piniarfik 2 ukiaanerani umimmanniarnermi matoqqatinneqarpoq.

Akuersissutit Sisimiuni kommunip allaffiani aammalu nunaqarfinni kommunip allaffiinut kiisalu Sisimiuni aalisarnermut piniarnermullu siunnersortimut saaffiginninnikkut pineqarsinnaapput.

Inussiarnersumik inuulluarit

Qeqqata Kommunia