Uuliakunik akoorutissanillu eqqaanermut maleruaqqusaq

Qeqqata Kommunia eqqaanermut maleruaqqusassanit nutaanit tallimaa­sunit kingulliit marluk siunnersuusiarai, tassaa­sut: Maleruaqqusaq nr. 4 ’Uuliakunik akoorutissanillu eqqaanermut maleruaqqusaq’ aamma Maleruaqqusaq nr. 5’Saviminermik eqqakkanik eqqaa­neq kiisalu saviminernik atoqqitassan­ngortitseqqinneq pillugit maleruaqqusaq
’. Kommunimi illoqarfinnut marluusunut nunaqarfinnullu tamanut maleruaqqusat atuupput, taamatullu nunaannarmut atuullutik.
2. juli 2015

Qeqqata Kommunia eqqaanermut maleruaqqusassanit nutaanit tallimaa­sunit kingulliit marluk siunnersuusiarai, tassaa­sut: Maleruaqqusaq nr. 4 ’Uuliakunik akoorutissanillu eqqaanermut maleruaqqusaq’ aamma Maleruaqqusaq nr. 5’Saviminermik eqqakkanik eqqaa­neq kiisalu saviminernik atoqqitassan­ngortitseqqinneq pillugit maleruaqqusaq
’. Kommunimi illoqarfinnut marluusunut nunaqarfinnullu tamanut maleruaqqusat atuupput, taamatullu nunaannarmut atuullutik.

Maleruaqqusassatut siunnersuutit matumuuna sapaatit akunnerini sisamani tamanut tusarniutigineqarput. Tusarniaaneq pingasunngornermi juulip aallaqqaataanit aallartinneqassaaq, tusarniummullu akissuteqaatit kingusinnerpaamik ataasinngornermi aggustip pingajuani nal. 12.00 tunniunneqareersimassapput. Tusarniaanermut akissuteqaa­tit kommunip pingaarnertut mailianut: qeqqata@qeqqata.gl –imut nassiunneqarsinnaapput imaluunniit Sisimiuni Teknikkimut Avatangiisinullu immikkoortortaq, Makkorsip Aqq. 2, Box 1014, 3911 Sisimiut kiisalu Maniitsumi Teknikkimut Avatangiisinullu immikkoortortaq, Kuut­tartoq 8, postboks 100, 3912 Maniitsoq, imaluunniit nunaqarfinni Innuttaasunut kiffartuussivinnut toqqaannartumik tunniunneqarsinnaallutik.

Maleruaqqusassatut siunnersuutit ataaniittuni ilanngussani aaneqarsinnaapput imaluunniit Sisimiuni Maniitsumilu Teknikkimut Avatangiisinullu immikkoortortamut imaluunniit nunaqarfinni Innuttaasunik kiffartuussivinnut piniarneqarsinnaapput.

 

Ilanngussat: