Maleruaqqusassatut siunnersuut

Qeqqata Kommunia “Aqqusinernut pisuinnaallu aqqutaannut tamanit atugassianut, taakkununnga ilanngullugit ingerlanneqarnerinut, aserfallatsaaliinermut aputaajaasarnermullu maleruaqqusassamut” nutaamik siunnersuummik suliaqarnikuuvoq.
2. juli 2015

Qeqqata Kommunia “Aqqusinernut pisuinnaallu aqqutaannut tamanit atugassianut, taakkununnga ilanngullugit ingerlanneqarnerinut, aserfallatsaaliinermut aputaajaasarnermullu maleruaqqusassamut” nutaamik siunnersuummik suliaqarnikuuvoq.

Kommunimi illoqarfinnut marluusunut nunaqarfinnullu tamanut maleruaqqusassaq atuutissaaq, kisianni nunap timaani qimussillu aqqutaanni atuutissanngilaq.

Maleruaqqusassatut siunnersuutit matumuuna sapaatit akunnerini tallimani tamanut tusarniutigineqarput. Tusarniaa­neq pingasunngornermi juunip 24-ani aallartinneqassaaq, tusarniummullu akissuteqaatit kingusinnerpaamik sisaman­ngornermi juulip 30-ani nal. 12.00 tunniunneqareersimassapput.

Tusarniaanermut akissuteqaatit kommunip pingaarnertut mailianut: qeqqata@qeqqata.gl –imut nassiunneqarsinnaapput imaluunniit Sisimiuni Teknikkimut Avatangiisinullu immikkoortortaq, Makkorsip Aqq. 2, Box 1014, 3911 Sisimiut kiisalu Maniitsumi Teknikkimut Avatangiisinullu immikkoortortaq, Kuuttartoq 8, postboks 100, 3912 Maniitsoq, imaluunniit nunaqarfinni Innuttaasunut kiffartuussivinnut toqqaannartumik tunniunneqarsinnaallutik.

Maleruaqqusassatut siunnersuutit UANI aasinnaavatit imaluunniit Sisimiuni Maniitsumilu Teknikkimut Avatangiisinullu immikkoortortamut imaluunniit nunaqarfinni Innuttaasunik kiffartuussivinnut piniarneqarsinnaapput.