Kangerlussuarmut sapaatip akunnera nuannersoq

Sapaatip akunnerani kingullermi Kangerlussuaq eqqarsaatigalugu, pilersinneqartunut arlalinnut pitsaasunullu borgmester Hermann Berthelsen-mut qiimmallaataanartuuvoq,
Pisut arfineq pingasuusut, siunissamut pitsaasunik iluaqutaalersussat tullinnguuttut borgmesterimit qilanaarineqarput:
25. september 2015

Kangerlussuarmut sapaatip akunnera inuutissarsiorfissanik ineriartortitsinissaq nuannersoq.  

1. Sapaatip akunnerata naanerani Kangerlussuup Sisimiullu akornani pisulluni aqqummut atatillugu, ilinnarnertuut nutaamik eqqarsariartaaseqarnisamik suliniutigisaanni siunnersuutigineqartoq allanut sanilliullugu pitsaanerpaatut piviusorpalaartutullu nalilerneqarluni, Kalaallit Nunaannat 2025` pillugu Avalak aamma Ili Ilimit milliartinik aningaasalerneqanngikkaluarluni naamamassineqarsinnaasutut, aningaasatigut ilisimatuumit Toben M. Andersen-imiit aamma GE-ip pisortaa Brian Buus Petersen-imiit ajugaasutut toqarneqarpoq.

2. Air Iceland 2016-miit Keflavik-ip aamma Kangerlussuup akornatigut angallassisalernissaminik ataasinngormat nalunaaruteqarpoq.



3. Sapaatip akunnerani 46-mi Kangerlussuarmi biilinik misileraavik pillugu workshopeqartitsinissaqInuutissarsiornermut Naalakkersuisoqarfik aamma Qeqqata Kommunia tapersersuillutik ataasinngormat isumaqatigiipput.

4. Kangerlussuarmi ippassaq Integra A/S’s AFIS træningscenter atoqqaarfissiorneqarpoq.

5. Ipasaq Hudson Resources-ip piiaanissamut akuersissummik pivoq, saniatigullu Kangerlussuup kangerluani Anortositemik piiaavissamut isumaqatigiissut IBA illuatungeriinnit pingasuusunit atsiorneqarluni.



6. Kangerlussuarmi sermip eqqaani illuaraqarfissaq takornarialerisumit namminersortumit pilersitsinissamut periarfissatsialak, Kommunit pilersaarusiorfigineqarneranut tapiliussaq Qeqqata Kommuniani Kommunalbestyrelsimit inaarutaasumik suliarineqarnerani akuerineqarpoq.

7. Ippasaq Kangerlssuarmi tammajuitsussarsititsiniarluni piniariartitsiviit pillugit kommunip pilersaarusiorfigineqarneranut tapiliussaq inaarutaasumik akuerineqarpoq, tamasuma kingunerissavaa Kangerlussuarmi tammajuitsussarsititsiffiup nalaani takornarialerisut nunaqartut arlalit piniariarfinni pitsaasunik illuaraliorsinnaanerat.

8. Ippassaq Sisimiut Kangerlussuullu akornani ATV-nut aqqusiornissaq pillugu suliap siullermeerlugu Qeqqata Kommuniani Kommunalbestyrelsimit suliarineqarnerani aningaasatnik immikkoortitsisoqarpoq, taamaasilluni 2016-imut 2017-mullu takornarialerisunit namminersortunit kissaatigineqartut anguneqarsinnaalissallutik. 

Naalakkersuisut ukiaanerani ataatsimiinnerminni Kangerlussuarmi periarfissamik pitsaasumik aalajangiissuteqarnissaat borgmester Hermann Berthelsen-imit neriuutigineqarpoq, tassa Kangerlussuarmi ilumoortumik umiarsualiviliornissaq, taamaasilluni takornarissanut umiarsuit Kangerlusuarmut tulassinnaalissammata, siunissamilu takornariaqarnerup annertusinissaanut aammaalluni periarfissiissammat. Aningaasaliiffissaq annertunngitsoq annertuumilli kinguneqartitsisussaq.







Paasissutissanik annertunerusunik perusukkaanni attaveqarfigineqarsinnaavoq: 

Kommunimi pisortaanerup tullersortaa:

Laust Løgstrup

E-mail: laul@qeqqata.gl