Allakkat ammasut: Kangerlussuarmi mittarfik

Kangerlussuarmi Mittarfimmut aningaasaliisoqaqqinnissaa pisariaqartinneqartoq pillugu 2015-imi juulip 28-ani aamma aggustip arferngani allakkiatit tigugakkit nuannaarutigaara. Kangerlussuup siunissaa pillugu, matumani Naalakkersuisut 2014-imi decembarip qaammataani naalakkersuisooqatigiinnissaminnik isumaqatigiissuteqarnerminni salliutassatut isumaqatigiissutigalugu nutaamik umiarsualivittaarnissamut il.il. aningaasaliisoqaqqinnissaanut unammillernartut periarfissallu pillugit toqqaannartumik oqaloqatigiittarnitta ingerlaannarnerinut allakkat takussutissaapput.
30. september 2015

Asasara Knud 

Kangerlussuarmi Mittarfimmut aningaasaliisoqaqqinnissaa pisariaqartinneqartoq pillugu 2015-imi juulip 28-ani aamma aggustip arferngani allakkiatit tigugakkit nuannaarutigaara. Kangerlussuup siunissaa pillugu, matumani Naalakkersuisut 2014-imi decembarip qaammataani naalakkersuisooqatigiinnissaminnik isumaqatigiissuteqarnerminni salliutassatut isumaqatigiissutigalugu nutaamik umiarsualivittaarnissamut il.il. aningaasaliisoqaqqinnissaanut unammillernartut periarfissallu pillugit toqqaannartumik oqaloqatigiittarnitta ingerlaannarnerinut allakkat takussutissaapput.

2015-imi juulip 28-ani allakkiaqqaanni aningaasat tamakkiisut 725 mio. koruunit tulliuttutut agguataagaasut pineqarput
  • Mittarfimmut saanilu inissiivimmut 250 mio. koruunit
  • Mittarfeqarfiit illuutaasa nutarterneqarnissaannut 280 mio. koruunit
  • Pilersuinermut tunngasunut 195 mio. koruunit
Aningaasarpassuugaluarlutik arlaatigut nassaarineqarsinnaassapput. Ilaatigut malugaara, Mittarfeqarfiit illuutaasa nutarterneqarnissaannut 280 mio. koruunit atorniarneqartut. Imaappoq, 18.700 m2-i pineqarpoq, m2-imullu 15.000 koruuninik akeqassalluni, tamannalu imminermini annertoorujussuulluni. Annerpaamik ukiuni qulini 15-ini atasinnaasunuinnaq, ukiuni tulliuttuni 18.700 m2-it suut nutarterneqarniarnersut paaserusukkaluarpara, takuuk mittarfiup nutartertariaqalernera pillugu oqaloqagiittarnitsinnut aallarniutaalluni 2015-imi juulip 13-iani allakkiara.

Mittarfeqarfiit illuutaasa annerpaartaat mittarfiup ingerlanneqarneranut tunngassuteqanngitsut namminersortunngorsartariaqartut isumaqarpunga, taamaalilluni sakkutooqarfiusimasup illuutaasa nutarterneqarnissaannut tunngatillugu pisortat aningaasaliissanngimmata. Sakkutooqarfiusimasup illuutaa 1.600 m2-it missaannik angitigisoq Qeqqata Kommuniata namminersortumut tuneqqammerpaa. 2015-imi aggustip 20-ani allaffeqarfigut Kangerlussuarmi ataatsimeeqatigiissimasut paasivara, tassanilu tamannarpiaq eqqartorneqarsimalluni, soorluttaaq Namminersorlutik Oqartussat Kangerlussuarmi illuutaannik namminersortunngorsaanissaq nangillugu sulissutigineqartoq. Tamanna siunissamut isumalluarnarpoq.

Aappaattut allakkianni 2015-imi aggustip arfernganeersuni annerusumik qularuteqarneq eqqartorneqarpoq, taamaalilluni "mittarfiup unnuisarfiullu saani inissiiviup nutarterneqarnissaanut aningaasartuutissatut torrutiinnarlugu 250 mio. koruuninik missingersuutaasimasut naammappasikkunnaarlutik marloriaatinngoratarsinnaasut". 2015-imi aggustip arferngani allakkiatit imatut paasivakka, 2015-imi juulip 28-ani eqqaaneqarlutik 725 mio. koruunit tagginneqarsimasut qaavinut 250 mio. koruuninik ilaqqinneqarlutik massakkut 975 mio. koruuninik naleqalissasoq.

Jens-Erik Kirkegaard-ip § 37 malillugu Projekt Newport pillugu apeqquteqaataanut, 2015-imi aggutsip 28-ani akissuteqaatit pissarsiaraara. Projekt Newport pivallaanngikkaluarlugu, imm. 3a-mi oqaatigisat "Kangerlussuarmut tunngatillugu 2 milliarder koruuninik aningaasaliisoqaqqinnissaanik pisariaqartitsineq" pillugu oqaaseqarnerit maluginiarpara.

Juulip 28-ani uannut allakkianni 725 mio. koruunit taaneqartut, 2015-imi aggustip arfernani 975 mio. koruunit taaneqartut, 2015-imi aggustip 28-ani Jens-Erik-mut allakkianni 2 mia. koruunit taaneqartut eqqarsaatigissagaanni qaffariaat annertoorujussuuvoq. Naatsorsuinera malillugu mittarfimmut saanilu inissiivimmut aningaasartuutissat 250 mio. koruuninit 500 mio. koruunit sinneriarlugit 1.525 mio. koruuninik qaffariaateqarput, takuuk tulliuttumi eqitsit:

Mio. kr.

Juulip 28-ani allakkat

Aggustip 6-iani allakkat

Aggustip 28-ani allakkat

Mittarfik saanilu inissiivik

250

500

1.525

MIT-ip illuutai

280

280

280

Pilersuinermut tunngasut

195

195

195

Katillugit

725

975

2.000

Mittarfiup saanilu inissiiviup nutarterneqarnissaanut aningaasartuutissat qaammatip ataasiinnaap iluani 250 mio. koruuninit 1.525 mio. koruuninut qaffariaateqarnerat ernumanarpoq. Tamanna immikkut sammisimassavat, taamatullu ilungersunartumik inissittoqarnera pillugu suliniutit suut aallartinneqarsimasut, siunnersortillu kikkut siunnersortigineqarsimanersut tusarusunnarpoq. 

Taamatut nutaamik naatsorsuisimanermut atortut tigunissaat qilanaaraara, taamaalilluta Kangerlussuup siunissaa pillugu aaqqiissutissarsiorluta pitsaasumik oqaloqatigiittarnigut ingerlateqqinniassagatsigit.

Pisup ilungersunarnera eqqarsaatigalugu aamma neriuppunga, sapaatip akunnerata tulliani Nuummiinnera iluatsillugu, suliap eqqartorneqarnissaanut piffissaqarumaarluta.

Naalakkersuisut, Inatsisartut Tusagassiuutillu suliaq samminnguatsiarmassuk, ilanngullugit matuminnga nassippakka.

Paasissutissanik annertunerusunik perusukkaanni attaveqarfigineqarsinnaavoq: 

Kommunimi pisortaanerup tullersortaa:

Laust Løgstrup E-mail: laul@qeqqata.gl