Maniitsormiuaqqat pilluarlik!

Meeqqerivitsialammi Kivitseqatigiit Maniitsumiittut ilinniarnertik immikkoortoq siulleq naammassivaat. Ataasinngorneq 28. September 2015 Maniitsumi allagartartaarput perorsaasut 11-it, tamarmik Maniitsumi meeqqerivinni sulisuuusut.
Kivitseqatigiit tassaapput 2013-mi kommunini tamani pilersinneqartut, suliassaralugu meeqqanut ilikkalertorfiusunik periutsinik suleqatiminnut ingerlatitseqqiisussat.
5. oktober 2015

Maniitsormiut nunatsinni kommunini siullerpaajullutik allagartartaarput, ilinniarnerup immikkoortuanut siullermut. Ilinniarnerup immikkoortuata aappaa aallartippaat. Ilinniarnermi immikkoortut sisamaapput.

Meeqqanut suli atualinngitsunut perorsaanikkut inerikkiartuutaasunik ulluunerani neqeroorutit pillugit Inatsisartut inatsisaat nr. 16, 3. december 2012-meersumi anguniakkanut Kivitseqatigiit piviusunngortitsisuussapput siammaassallutillu.

Maniitsumi Kivitseqatigiit ilinniarnertik aallartippaat 2013-mi. Kivitseqatigiit Maniitsumi meeqqerivinni sungiusaatigalutik periuutsinik siammarsaapput, ilutigalugu Maniitsumi nunaqarfinni meeqqerivinni sulisut aamma illoqarfimmisuulli pisussaaffiligaallutik sungiusarput.

Inussiarnersumik inulluaqqusilluta / Med venlig hilsen

Sara Heilmann Rosing

Perorsaanermi ataqatigiissaarisoq