Qeqqata Kommuniani ukiumi suleqatikkuminarnerpaat

Qeqqata Kommuniani Sisimiuni ukiumi suleqatikkuminarnerpaamut nersornaatit marlunngornermi decembarip 22-iani Sisimiuni Maniitsumilu tunniunneqarput. Allaffissuarmi suleqataasut suleqatimik ilaat suleqatikkuminarnerpaatut toqqagassatut siunnersuutiginikuuaat.
22. december 2015

Nersornaat sulisumut makkunannga piginnaasalimmut tunniunneqartarpoq:

  • suliffimmi pitsaasumik atugassaqartitsineq
  • ataqatigiissitsisinnaassuseq
  • ikiuisinnaassuseq kajumissaarisinnaassuserlu
  • aalajaatsumik suleqataassusilik

Ukioq manna nersornaatit marluk tunniunneqarput, tassa qitiusumik allaffinni sulisut tamarmiusut akornanni illoqarfinni nunaqarfinnilu aamma allaffeqarfiit avataannit kommunip suliffeqarfiutaanit illoqarfinni nunaqarfinnilu.

Pisortaaqatigiit toqqaasimapput, sulisut 18-init sinnerlugit nersornaasigassatut suleqatiminnit suleqatikkuminarnerpaatut innersuussuteqareernerisigut, toqqagaasullu tassaapput:

  • Ungâjánguak' Bomholt, Sisimiuni allaffissuarmi sulisoq.
  • Sara Josefsen Heilmann,, Maniitsumi meeqqerivimmi "Aanikasik"-mi sulisoq.



Borgmesteri Hermann Berthelsen tikilluaqqusillunilu Qeqqata Kommuniani sulisut tamarmik juullisiorluarnissaannik kissaallugillu

Kommunimi pisortaaneq Paneeraq Olsen ukiumi suleqatikkuminarnerpaamut nersornaat Ungâjánguak' Bomholt -imut tunniuppaa



Ukiumi suleqatikkuminarnerpaamut nersornaasinnatoq Ungâjánguak'Bomholt

Ilinniartitaanermi pisortaq Anna Heilmann, ukiumi suleqatikkuminarnerpaamut nersornaat Sara Josefsen Heilmann -imut tunniunneqarpoq - Maniitsoq