Qeqqata Kommuniani allaffimmiutut ilinniakkaminik naammassisoq

Allaffimmi ikiortitut ilinniakkaminik naammassisitsinini Qeqqata Kommuniata tulluusimaarutigaa, tamannalu ilinniakkaminik naammassinnittup suleqatai ilaqutailu peqatigalugit, 2016-imi juunip 30-ani Sisimiuni Kommunalbestyrelsip ataatsimiittarfiani nalliuttorsiutigineqarluni.
30. juni 2016

Ujuuki Boassen-ip ilinniakkamik naammassinninnermini allagartani Nuummi tiguaa, taamaakkaluartorli allaffimmi ikiortitut naammassinninnera suleqataasa ilaqutaasalu nalliuttorsiutigaat.  



Borgmester Hermann Berthelsen-ip oqalugiarnermini ilaatigut oqaatigaa, suliffimmik misiliisorisimanera Qeqqata Kommuniata tulluusimaarutigigaa. Nutaanik sammisaqarusussuseqarpoq, piumassuseqarpoq, suliaminillu naammassinninnissaminik siunniussaqaraangami, ilungersuullugu naammassiniaasarluni. Ujuuki qitornaminut kisimi perorsaasuuvoq, taamaattumillu anguniagaqaraangami anguniakkani anguniartarlugu.

Borgmesterip aamma oqaatigaa, atuagarsornermik suliffimmillu misiliinertalimmik allaffimmi ikiortitut, teknikeritut, qarasaasialerisutut assigisaanillu ilinniakkaminnik nunatsinni naammassinnittartunut Qeqqata Kommuniata peqataanini tulluusimaarutigigaa.  

Qeqqata Kommuniata Ujuuki pilluaqquaa, siunissamilu ajunnginnerpaamik kissaallugu.