Aqqusinissat taaguusernerisa saqqummiunnerat

6. juni 2016

 

Akiani najugaqarfissami nutaami aqquserngit taaguutissaannik siunnersuuteqarsimasut Teknikkimut Avatangiisunullu Immikkoortortaqarfiup qujaruppai. Majip 26-ani Kommunalbestyrelsip ataatsimiinneranni aaliangerneqarpoq aqquserngit taaguutissai sammisaq ataaseq najoqqutaralugu taaguuserneqassasut, asseq takuuk. Sammisaalluni qamutit, nassuiaatit:
Napariaq: Napasoq qamutip kinguaniittoq
Uerneq: Qamutip siua
Kimmik: Qamutip kinguani alaani teqeqqorissoq
Alaaq: Qamutip ataa pujattoq
Qinngoq: Alaat aallartiffiata nalaa
Napu:  Qamutip ikaarutaa