Ilitsersorneqarnissat pisariaqartippiuk?

Septemberip 6-ani pisortaqarfiit assigiinngitsut pingasut Sisimiut-mut tikissapput siunnersuiartorlutik ilitsersuiartorlutillu. Rigsombudi, Ombudsmandi aamma Sulisilluni Ajoqusernerit pillugit Sullissivik Amerloq-miissaaq nal. 08.00-12.00.
29. august 2016
Rigsombudsmanden i Grønland
Angajoqqaatut oqartussaassuseqarneq pillugu, oqartussaassutsip atorunnaarsinne-qarneranut, oqartussaassuseqarnerup angajoqqaap angajoqqaatut oqartussaassu-seqarnerup aapparminut allamulluunniit tunniunneqarnissaa, averuserneq, avinneq, atit allannguutaat, meeravissiartaarneq aamma nammineersinnaassusiiagaasup pigisaasa allaffissornikkut ingerlanneqarneri aamma nammineq aningaasartuu-tiginagu eqqartuussisulersuussisarneq pillugu qinnuteqaatinut tunngasunik ilisimatitsissaaq.
 
Namminersorlutik Oqartussat imaluunniit kommunip aalajangigai Inatsisartut Ombudsmaniannut naammagittaalliuutigisinnaavatit. Aamma Inissiaatileqatigiit INI A/S naammagittaalliuutigisinnaavat, INI namminersorlutik oqartussat imaluunniit kommuni sinnerlugu aalajangiinissaminut pisinnaatitaatinneqarsimappat.
Eqqaamajuk naammagittaalliuuteqarniaruit tamanna ukiup ataatsip qaangiutinnginnerani pissammat, aamma eqqaamassavat naammagittaalliorfissaasinnaasut atorsimassagakkit. Naammagittaalliuuteqarnissamut periarfissat Namminersorlutik Oqartussaniit imaluunniit kommuninniit allagarsianni ilaatinneqartariaqarput. Aamma eqqamassavat oqaloqateqarnissannut papppialat tamatumunnga naleqquttut nassassagakkit.

Sulisilluni ajoqusernernut tunngasut Sulisilluni Ajoqusernerit pillugit Sullissiviup allaffissornikkut suliassarai, ajoqusernernillu nalunaarutit, suliap ingerlanneqarnera, pisinnaatitaaffiit, inuussutissarsiorsinnaassutsimik annaasaqarnerit taarsiissutisiassallu pillugit apeqqutit akisinnaallugit.
Sulisilluni Ajoqusernerit pillugit Sullissiviup aamma Ataatsimoortunut sillimmasiineq (Gruppeforsikring) allaffissornikkut ingerlataraa, taannalu aalisartutut piniartutullu namminersortut aningaasaqarniarnikkut ilinnut ilaquttannullu isumannaarineruvoq, ajoqusissagaluaruit imaluunniit piniarlutit/aalisarlutit ajunaassagaluaruit.

Takunissarsi qilanaaralugu - Vi glæder os til at møde jer!