Sisimiuni qaqqap iluani naluttarfissamik pilersaarusiornissamut piukkunnartussarsiorneq

7. november 2016
SULIAQARTITSISOQ
Sisimiut illoqarfiani naluttarfissamik pilersaarusiornermi neqeroorummik tunniussinissamut toqqarneqarsinnaaneq pillugu qinnuteqarnissamut Qeqqata Kommunia matumuuna aggersaavoq.

ISUMAQATIGIISSUTIP ILUSISSAA

”Teknikkikkut siunnesortaanermut ikiuunnermullu aalajangersakkat nalinginnaasut (ABR89)” naapertorlugit tamakkiisumik siunnersortaaneq.
Isumaqatigiissutip oqaasertassai qallunaatuujussapput, isumaqatigiissullu kalaallit/qallunaat inatsisaat malissavaat.
Tamakkiisumik siunnersortaasoq suliaqartitsisumut suliassanut tamakkiisunut siunnersuusiorlunilu neqeroorutinut atortussanik suliaqassaaq.
Suliassaq suliassanut tamakkiisumik suliarinnittussamut tunniunneqarnerata kingorna, suliassanik tamakkiisunik suliarinnittussamut pilersaarummik allattorluakkamik tamakkiisumik siunnersortaasoq suliaqassaaq.

SULIASSAP ALLAASERINEQARNERA
Naluttarfik "Nalunnguarfiup" kujataatungaani qaqqap ilaani inissinneqassaaq.
Pilersaarut qaqqami illorsuarmik, naluttarfimmik 25x12,5 m-imik, kinisimaartarfimmik kissalaartumik, atisalersortarfimmik, saunamik kiisalu teknikkikkut atortulersuutinik il.il. imaqarpoq.
Suliarinnitsitsisup atuilluartuuneq avatangiisillu pingaartitarai.

PIUKKUNNARTUSSARSIORNEQ

Paasissutissat sukumiinerusut ataani najukkatut allassimasumut mail atorlugu inniminneerneqarsinnaapput.
Silap pissusaanut assingusumi suliassanik assingusunik annertussuseqartunillu sanaartornermik atortulersuinermillu suliaqarnermi misilittagalinnik tunngaveqartumik neqerooruteqartunik toqqaaneq pissaaq.
Kalaallit Nunaanni sanaartornermut atortulersuinerullu iluani, tassunga ilanngullugit kalaallit nunaanni inatsisinik misilittagaqarnermi uppernarsaarneq siunnersortaasut illussanik titartaasartunik siunnersortimillu/nillu pingaartitsinerat pingaartinneqassaaq.
Piukkunneqarneq pillugu qinnuteqaat 2016-imi decembarip arfineq-pingajuani tiguneqareersimassaaq.
Sularinnitsitsisup piukkunneqarsinnaasutut qinnuteqarsinnaasut sisamanut amerlassusilikkat neqeroorusiortissavai. Piukkunneqartut 2016-imi dec. 16-ani nalunaarfigineqassapput.

SIUNISSAMI INGERLANISSAANUT PILERSAARUT
Neqeroortitsinermi atortussat 2016-imi decembarip naanerani nassiunneqassapput. 2017-imi januaarip aallartinnerani tamakkiisumik
siunnersortimik isumaqatigiissusiorsinnaaneq siunertarineqarpoq.
Sanaartorneq 2018-imi 2019-imilu ingerlanissaa naatsorsuutigineqarpoq.

Attaveqaataasoq:
Niels Mønsted E-mail: niem@qeqqata.gl
Postboks 1014 • 3911 Sisimiut