Qeqqata Kommuniani Kommunalbestyrelsi nutaaq ivertinneqarpoq

Qinigaaffimmi 2013-imit 2017 tikillugu kommunalbestyrelsimi ilaasortat, 2017-imi pingasunngornermi apriilip 26-ani kingullermik ataatsimiipput, qinigaaffimmilu 2017-imit 2021 tikillugu kommunalbestyrelsissaq ulloq taanna aamma inissitsiterluni.
28. april 2017

Massakkut kommunalbestyrelsiusup atuuffia, 2017-imi apriilip 30-ata tungaanut killeqarpoq. Qeqqata Kommuniani kommunalbestyrelsissap nutaap, borgmesterissallu nutaap atuuffissaat 2017-imi maajip aallaqqaataani aallartissaaq.

Kommunalbestyrelsip inissitsiternerani, Qeqqata Kommuniani kommunalbestyrelsimi sivisunerpaamik ilaasortani angajulleq Hans Frederik Olsen ataatsimiigiaqqusisuuvoq, borgmesterissamillu toqqaasoqarnissaata tungaanut ataatsimiinnermi aqutsisuulluni. Kommunalbestyrelsip inissitsiternerani oqaluuserisassat uani aasinnaavatit.


Kommunalbestyrelsimi nutaatut ilaasortanngortut arfineq-marluupput, pingaartumillu 61-inik ukiulik Hermann Berthelsen taarserlugu borgmesterinngortup 38-nik ukiuliup Malik Berthelsen-ip ilaasortanngorneratigut, ilaasortat agguaqatigiissillugu ukiui annikillingaatsiarlutik. Kommunalbestyrelsi Atammimmit, Kangerlussuarmit, Maniitsumit, Sisimiuniillu ilaasortaqarpoq, Atammiillu 27-nik ukiulik Erneeraq Poulsen, ilaasortani inuusunnersaalluni. Kommunalbestyrelsimi ilaasortat angutinut arnanullu agguataaraanni, angutit ilaasortat arfineq-pingasuupput, arnallu arfineq-marluullutik, Qeqqata Kommuniatalu oqaluttuarisaanerani ilaasortat angutinut arnanullu agguataaraanni aatsaat taamak naligiitsigalutik.

2017-imit 2021 tikillugu qinigaaffimmi kommunalbestyrelsimut ilaasortanngortut tassaapput:

• Malik Berthelsen, borgmesteri (S)
• Gideon Lyberth, borgmesterip tullia (S)
• Juliane Enoksen, borgmesterip tulliata aappaa (IA)
• Hans Frederik Olsen (S)
• Evelyn Frederiksen (S)
• Karl Lyberth (S)
• Frederik Olsen (S)
• Ruth Heilmann (S)
• Siverth K Heilmann (A)
• Emilie Olsen (A)
• Anna Karen Hoffmann (A)
• Sofie Dorthe R. Olsen (IA)
• Erneeraq Poulsen (IA)
• Jakob Olsen (S) - Erik Jensen-ip sulinngiffeqarallarnerani ilaasortaq
• Malene Ingemann (PN)- Henrik Fleischer-ip sulinngiffeqarallarnerani ilaasortaq

 Assiliisoq: Steen Olsen