Maniitsumi Paarsi seqinisaatitaarpoq

Maniitsumi meeqqerivik Paarsi seqinisaatilerneqarpoq. Illup siusinnerusukkut altaniini ikkersuutai krydsfineriusut nutaanngitsut, illup nutarterneqarneranut atatillugu seqinisaatinik taarserneqarput.
9. juni 2017
”Maniitsumi ukiuni kingullerni soorlu seqinisaatinik atuinerup ineriartortinneqarnera nuannerpoq", Teknikkeqarnermut, Aatsitassanut Avatangiiisinullu ataatsimiititaliami siulittaasoq oqarpoq. ”Inuit namminerisaminnik illuutillit arlaqartut seqinaatinik ikkussinikuupput, kommunillu illuutaani anginerusunik arlalinni seqinisaatinik ikkussuinikkut, Qeqqata Kommunia ineriartornermut tassunga malinnaanikuuvoq", Maniitsumi kommunip allaffiani, atuarfimmi utoqqaallu illuanni seqinisaatinik ukiuni kingullerni ikkussuineq innersuussutigalugu gideon Lyberth oqarpoq. Kommunip atuilluartuunissamik takorluugaanut ilaatillugu, seqinisaatinik atuinermik nutaamik misileraasoqarpoq. Utoqqaat Illuanni Neriusaami qaqqajunamut seqinisaatinik ikkussuinikuuvugut, meeqqerivimmilu Paarsimi illup nutarterneqarnerani seqinisaatit tulluarsarniarsarisimavarput, Gideon Lyberth naggasiivoq.

Borgmester Malik Berthelsen, Maniitsumi ineriartornermut aamma naammagisimaarinnippoq. "Sisimiut assigalugu Maniitsumi erngup nukinga atorlugu avatangiisinut navianngitsumik siunissami pilersitsivineqarsinnaassasoq neriuutigaarput. Tamannali pitinnagu, seqerngup nukinga atorlugu nukissamik Maniitsup pilersorneqarsinnaaneranut innuttaasut kommunilu ataatsimoorlutik suliniuteqartut takullugit nuannerpoq", taamak oqarpoq. Seqinisaatinik suliniuteqarneq pillugu, atortulersuutinik tunniussisuusumik ikkussuisuusumillu LED Solar Greenland-imik kommunip, Nukissiorfiit aamma ARTEK akornanni pitsaasumik suleqatigiissimanermut qujassuteqassallunga uannut aamma pingaaruteqarpoq”, borgmesteri naggasiivoq.



Annertunerusumik paasissutissat:

Ole Thor Hermansen
Teknikkimut Avatangiisinullu pisortaq
Maniitsoq
Tlf.  (+299) 70 21 00 
Dir. (+299) 81 78 40
othe@qeqqata.gl