Sisimiuni innuttaasunut nalunaarut

Sisamanngorneq aggustip pingajuani 2017-imi Sisimiut tamakkerlugu pujoqarpoq, tamannalu Nassuttuumi nunap ikuallanneranit pinngortuulluni, anorip avannernera samminera patsisaalluni Sisimiut tamakkerlugu pujuinnanngorsimavoq.
3. august 2017

Tamanna Air Greenland-imi timmisartortartunit kiisalu Sisimiuni atorfillit pisortaannit Hans Christian Sværd-imit, Kangerlussuarmit Sisimiunut timmisartortilluni timmisartortartut aquttarfianit pujoq suminngaanneernera erseqqissarniarlugu assiliisimasumit aamma uppernarsarneqarpoq.

Sisimiulli tungaanut timmisartortilluni, avannaanit Sisimiut ilanngullugu annertuumik pujoqarnera paasineqarpoq, pujorlu Nassutuumi nunap ikuallanneranit pinngortuusoq.
Amitsorsuup eqqaani annikitsumik nunamik ikuallattumik naammattoorsisoqarpoq, Upalungaarsimanermut pisortaq

Ole Kreutzmann assinik pissarsisimavoq, ikuallannerli taanna annikitsunnguummat ulorianartutut isigineqanngilaq, namminerlu qamittussaasutut nalilerneqarluni. Amitsorsuup eqqaani nuna ikuallattoq taamak annertutigisumik pujuliortitsisuunngilaq.

Nunap immikkoortuani nakorsaanerup Helle Olsen nalilerpaa, Sisimiuni pujoq maannakkut ulorianaateqanngitsoq, taamaattorli anersaartorfikkut nappaateqartunut iluaalliortitsisinnaalluni.
Qeqqata Kommuniani Qatserisartut nunap paningaatsiarnera patsisaalluni, nuna ikuallaratarsinnaammat nunap timaani ikumaartitsineq mianersuutigineqassasoq mianersoqqussutigaat.

Tamatuma saniatigut innuttaasut tullinnguuttutigut eqqumaffiginneqquneqarput:

• Eqqagassanik asimi ikuallaannginnissaq.
• Eqqagassat illoqarfimmut oqquttarnissai pingaartumik puiaasat allallu ikuallariaannaat.
• Killutigut iganissaq isumatusaartumik pinissaa.
• Nunami ikumaartitsinnginnissaq asuli.
• Sikaritsit kimmivikui pinngortitamut iginneqassanngitsut