Qeqqata Kommuniani allaffimmiutut  aamma datateknikeritut  ilinniarnermik inerlaaq

Qeqqata Kommuniata allaffissornermut assistentimik aammalu datateknikerimik nutaanik naammassisititsinini tulluusimaarutigaa. Ataasinngorneq juulip 31-ani Ria N. Bourup aamma Hans-Jakob Lyberth nalliussineqarput aammalu ilinniarnermut naammassinninnermut uppernarsaatinik tunineqarlutik.
2. august 2017
Aammattaaq ilaqutaasut, kammalaataasut suleqatigisallu ulloq immikkuullarissunngortinnissaanut peqataapput.


Ria N. Bourup 2017-imi juunip 30-ani allaffissornermut assistentitut naammassivoq. Aammalu Hans-Jakob Lyberth 2017-imi juulip 13-iani attaveqaqatigiittarneq immikkut sammisaralugu datateknikkeritut naammassilluni.


Hans-Jakob 2014-imi juulimi Qeqqata Kommuniani Sisimiuni qarasaasialeriffimmi aallartippoq, Sisimiunilu allaffissuarmi sulisunut tamanut annertuumik ikiuutaasimalluni, ingammik sulinerup nalaani teknikkikkut ajornartorsiortoqartillugu.

Ria N. Bourup kommunimi immikkoortuni assigiinngitsuni sulinikuuvoq. Minngortuunnguup atuarfini allaffimmi ilinniartutut aallartippoq, ukiorlu ataaseq qaangiummat innuttaasunik sullissivimmut nuulluni, kingusinnerusukkut akissarsialeriffimmut naggataagullu maannakkut aalajangersimasumik suliffigilikkamini teknikkimut avatangiisinullu immikkoortortami naammassilluni.

Qeqqata Kommuniata Ria aamma Hans-Jakob pilluaqquvai siunissamilu pitsaanerpaamik kissaallugit.