Aasaanerani meeqqat Kangerlussuarmiik Sisimiunut pisutsinneqarnerat iluatsilluarpoq

Meeqqat atuanngiffeqarnerinut atatillugu susassaqartitsineq pinaveersaartitsinermillu aallaaveqartoq naammasseqqammerpoq, iluatsilluartutullu oqaatingisariaqarpoq pisullutik aallartut tamarmiullutik tikeqatigiimmata.
2. august 2017

Meeqqat atuanngiffeqarnerinut atatillugu susassaqartitsineq pinaveersaartitsinermillu aallaaveqartoq naammasseqqammerpoq, iluatsilluartutullu oqaatingisariaqarpoq pisullutik aallartut tamarmiullutik tikeqatigiimmata.

Ulloq 20. juli timmisartumik Sisimiuniik Kangerlussuarmut aallarput, Kangerlussuarmiillu ingerlaannaq 160 km-mik isorartutigisoq pisunniarlugu aallarlutik.

Meeqqat qulingiluat sulisullu arfineq marluk ulluni arfinilinni pisupput, pilersaarutaasorlu tikiffissaq eqqorlugu tikipput ulloq 26. juli nal. 17.00
Meeqqat pisunnerminni timikkut assut nukittupput, sillimaffigineqareersutullu misigissutitsikkut sunnertisimanerit aallaavingalugit ilaqutariit kiffartuussiviata sulisuinik sullinneqarlutik.

Sisimiunut apuunnermi parsiaasorpassuit meeqqat, angajoqqaat ilaquttallu qanigisat kammalaatillu tamassinnut qujanaq, assut misigissutitsigut attortinnarpoq.

Suliamullu piviusunngortitseqataasut qujaffigerusuppagut: Namminersorlutik Oqartussat, Qeqqata Kommunia, Ilaqutariinnut kiffartuussivik, Napparsimavik, Minngortuunnguup Atuarfia, Royal Greenland, Air Greenland, Pisiffik, Anuni, Kangerlussuarmi suliffeqarfiit aamma nammineq kajumissutsiminnik suleqataasut, minnerunngitsumillu suliamut atatillugu siunnersorti: Niels `tuutu` Berthelsen.


Pitsaaliuinermi siunnersorti
Paarnannguaq Mølgaard
paam@qeqqata.gl
+299 866646