B-31, Umiarsualivimmut 21 Sisimiuniittoq Qeqqata Kommuniata tuniniarpaa.
2019-imi septembarip aallaqqaataani isumaqatigiissuteqarnikkulluunniit tiguneqassaaq.
Illu 1952-imi napparneqartoq, kommunimit kingullermik sulisunut inissiatut atorneqarpoq. Illu, naqqup ataa ilanngullugu, 67 m2-it missaanik annertussuseqarpoq.
B-31 taamatut isikkoqartillugu tuniniarneqarpoq, tunisereernerullu kingorna tuniniaasoq akisussaatinneqarsinnaanani. Tunisinermi toqqaannartumik aningaasartuutit tamarmik, pisisumit matussuserneqassapput.
Piserusussinnaasunut B-31-mik alakkaatitsineq, Teknikkeqarnermut, Aatsitassanut Avatangiisinullu Immikkoortortami illuutinik nakkutilliisumut Hans Frederik Olsen-imut saaffiginnissuteqarnikkut alakkaasinneqarsinnaapput. Hans Frederik oqarasuaat 867465-ikkut aamma e-mailadresse hfro@qeqqata.gl attavigineqarsinnaavoq.
Qallunaat aningaasanngorlugu allaganngorlugu neqeroorut, illu siunissami sumut atorneqarsinnaaneranut siunnersuummik nassuiaatitalik kiisalu ateq, najugaq aamma oqarasuaatip normua / emaililuunniit ilanngullugit uunga nassiunneqassapput tunniunneqarlutilluunniit
Qeqqata Kommunia
Teknikkeqarnermut, Aatsitassarsiornermut Avatangiisinullu immikkoortortaq
Postboks 1014
3911 Sisimiut
Ilisarnaat: B-31-mik pisinissamik neqeroorut
Pisiarinissaanik allaganngorlugu neqeroorut allakkap puussaanut matoqqasumut poorlugu tunniunneqanngikkuni nassiunneqassaaq, kingusinnerpaamillu 2019-imi tallimanngornermi aggustip 16-ani nal. 12.00 kommunimit tiguneqareersimassalluni. Neqeroorutit piffissaagallartillugu tiguneqartut, ulloq taanna nal. 13.00 Teknikkeqarnermut, Aatsitassarsiornermut Avatangiisinullu immikkoortortaqarfiup ataatsimiittarfiani neqeroorutinik ammaanermi ammarneqassapput. Neqerooruteqartut allallu soqutiginnittut, neqeroorutinik tiguneqarsimasunik ammaanermi peqataanissaminnut soorunalimi tikilluaqqusaapput.
Neqeroorutit allanngortinneqarsinnaassanngillat, piumasaqaatitaqassanngillat nangaassuteqassanatillu.
Tuniniaasup akuersineranit kingusinnerpaamik ullut tallimat qaangiuppata, pisinissamut toqqorsisoqanngikkuni qularnaveeqqusiisoqassaaq.
Neqeroorutinik tamanik Qeqqata Kommunia itigartitsisinnaatitaavoq.