airplanebooksbriefcase business cogs cross election entertainment fish house law lockmedicalpeopleselfservices socialtax

Nutaarsiassat

Nutaarsiassat assigiinngitsut uani nassaarisinnaavatit, politikkikkut kulturikkut assigisaallu Kommunimik nutaarsiassat.
Ulloq 16. januar 2020

Imeqarfiup killeqafiani angalaneq Sisimiut eqqaani

Imeq imigassarput illoqarfimmilu aalisakkerivik illersukkit – inatsisitigut unioqqutitsinngitsumik qamuteralaat atorlugit imeqarfiup killeqarfiatigut ingerlagit.
Imeqarfiup killeqarfiatigut qamuteralannik ingerlasinnaavutit, taamaattorli ingerlaarfikkut 10 meterisut nerutussusilikkut kiisalu sungiusarfikkut nunap assingani takuneqarsinnaasukkut ingerlasoqarsinnaavoq. Ingerlaarfikkut ingerlasoqarsinnaalernerani erfalasuaqqanik nalunaarsorneqassaaq.
Kommuni ujakkaarnermi illiniliorsinnaatitaavoq kiisalu Alanngorsuarmi majuartaammik ingerlatsisinnaatitaalluni.
Ukiuunerani erfalasuaralersortoqarsimatillugu aatsaat ingerlaartoqarsinnaavoq. Qamuteralaat qamussuillu kisimik atorsinnaatitaapput. Qamutit motoorillit allat atorneqaqqusaanngillat.
Imeqarfiup killeqarfiatigut unioqqutitsilluni ingerlasoqartumik takunnikkuit, politiit attavigikkit.

Nutaarsiassaq atuaruk
Ulloq 16. januar 2020

Peqqinneq pillugu

Qeqqata Kommuniani anguniarparput innuttaasut tassaassasut nunatsinni peqqinnarnerpaamik inuuneqalerusuttut. Pissutigalugu peqqinneq aamma tassaammat kiffaanngissuseq aammalu timimik aalatitsineq nuannaarnermik inuummarinnermillu pilersitsisarmat. Peqqinnarnerusumillu inuuneqalernissamut kajumissaataasinnaasunik inunnik aalajangersimasunik isumassarsiorfigineqarsinnaasunik ilanngutassiisalerpugut.

Nutaarsiassaq atuaruk
Ulloq 14. januar 2020

Kalaallit Nunaata oqaluttuarisaanerani nunami angallannikkut attaveqaat siulleq pillugu Islandimiut kalaallillu suleqatigiilerput

Kalaallit suliffeqarfiutaat Arctic Circle Carrier aamma Islandimiut suliffeqarfiutaat Jakar ullumi Reykjavik-imi suleqatigiinnissamik isumaqatigiissummik atsioqatigiipput, isumaqatigiissutip imaralugu biilit immikkuullarissut Kalaallit Nunaanni atugassiat firhjulstrækkerit ÍSAR pingasut 2021-imi Arctic Circle Carrier-imut tunniunneqarnissaat.

Nutaarsiassaq atuaruk
Ulloq 6. januar 2020

Ukiortaami Borgmesteri Malik Berthelsen-ip oqalugiaataa

Asasakka innuttaasut, juullisorluarsimanissarsi neriuutigalugu tamassi ukiortaami pillukutsooritsi!
Ullut nalliuttorsuit inuiaqatigiittut pingaartitagut, ullut nalliuttorsuit inuiaqatigiinnut pilluaqqusaasut, tipaatsunnermik qujamasunnermillu misigititsisut, kingumut eqqaaseqqippaatigut, inuiaqatigiittut toqqissisimasumik, asanninnermik, ataqqeqatigiinnermillu inuuneqarnissatta qanoq pilluarnartiginerinik.

Nutaarsiassaq atuaruk
Ulloq 2. januar 2020

Tilioq Qeqqata Kommunia suleqatigalugu ”Sulisinnaavunga” saqqummiuppaat

Takutitassiani inuit arfineq marluk assigiinngitsunik innarluutillit suliffeqartut taamaasillutillu inuiaqatigiinnut sulisitsisunullu taperseeqataasut takuneqarsinnaapput. Takutitassiani inuit innarluutillit allatuulli periarfissinneqaramik tapersiisinnaassuseqarnerat takutinneqarpoq. Takutitassiat saniatigut allanik aamma iliuusissanik piareersaasoqarpoq.

Nutaarsiassaq atuaruk
Ulloq 30. december 2019

INNUTTAASUNUT NALUNAARUT, MANIITSOQ

Socialvagtip mobiltelefonia 48 72 00 sianerfigeqqinneqarsinnaalerpoq.
Akunnerup naanerani socialvagtimut mobiltelefoni teknikkikkut ajutooqqasimavoq. Maannakkut sianerfigineqaqqissinnaanngorpoq.

Inussiarnersumik inuulluaqqusilluta
Ilaqutariinnermut immikkoortortaqarfik, Maniitsoq

Nutaarsiassaq atuaruk