airplanebooksbriefcase business cogs cross election entertainment fish house law lockmedicalpeopleselfservices socialtax

Biilinik angallatinillu pigineqanngitsunik inuttassarsiuussineq

Qeqqata Kommunia biilinik angallatinillu pigineqarsorinanngitsunik ingerlaavartumik nalunaarsuisarpoq.

Avatangiisit innarlitsaaliorneqarnissaanik Inatsisartut inatsisaat nr. 9, 22. november 2011-meersoq
malillugu qulaani pineqartut "inuttaqanngitsut", minnerpaamik qaammatini pingasuni inuttassarsiorneqareerneratigut kommunimit peerneqarsinnaapput.

Biilit angallat avatangiisimut angallannermullu ajornartorsiutaasinnaasutut, illoqarfiulluunniit iluani takujuminaallisaasutut nalilerneqarpat, nunaminertamut kommunimit innersuunneqartumut nuunneqassaaq, tamatumalu kingorna qaammatini pingasuni inuttassarsiuunneqasalluni.

Inuttassarsiuussineq assit ataanni ullormi taaneqartumi allartissaaq, qaammatillu pingasut qaangiunnerani unissalluni. Inuttassarsiuussinermi inuttassarsiuunneqartup assitaa kommunip nittartagaani takuneqarsinnaassaaq. Biilinik angallatinillu inuttassarsiuussinerit Qeqqata Kommuniata Facebookiani aamma nalunaarutigineqassapput.

Inuttassarsiuussineq naammassippat, inissitaq kommunimut taarsiinnissamut akisussaaffiliinngitsumik kommunimit peerneqassaaq.

Inuttassarsiuunneqartumut piginnittuuguit, toqqaannartumik allakkatigulluunniit nalunaaruteqarlutit saaffiginnissaatit uunga:

Teknikkimut Avatangiisinullu immikkoortortaqarfik

Biilit umiatsiallu 

Biilit uninngaannalernikut aqqusinermit iml. biilit unittarfiinit  11-juni-21 nallertinnagu piigassat. Angallatit kommunip inissiigallartarfianiittut aamma inuttassarsiuunneqarput.