airplanebooksbriefcase business cogs cross election entertainment fish house law lockmedicalpeopleselfservices socialtax

Maniitsumi illu tuniniagaq

Qeqqata Kommunia B-558 B, Pelikaat 8, 3912 Maniitsoq tuniniarpaa. 

2021-mi novembarip aallaqqaataani isumaqatigiissuteqarnikkulluunniit tiguneqassaaq.

Illu 1964-imi sanaartorneqarsimasoq, ukiuni arlalinni ataavartumik najugaqarfittut atorneqarnikuunngilaq. Kingullertut A/S Inissiaatileqatigiiffik INI-mit anisitanut inissiigallartarfittut atorneqarnikuuvoq, illu 31,3 m2 missaanik angitigivoq.

B-558 B taamatut isikkoqartillugu tuniniarneqarpoq, tunisereernerullu kingorna tuniniaasoq akisussaatinneqarsinnaanani. Tunisinermi toqqaannartumik aningaasartuutit tamarmik, pisisumit matussuserneqassapput.

Piserusussinnaasunut B-558 B-mik alakkaatitsineq, Teknikkeqarnermut, Aatsitassarsiornermut Avatangiisinullu Immikkoortortami Knud Olesen-imut saaffiginnissuteqarnikkut alakkaasinneqarsinnaapput.
Knud Olesen oqarasuaat 867862 aamma e-mailadressen knol@qeqqata.gl atorlugit pissarsiarineqarsinnaavoq.

Qallunaat aningaasanngorlugu allaganngorlugu neqeroorut, illu siunissami sumut atorneqarsinnaaneranut siunnersuummik nassuiaatitalik kiisalu ateq, najugaq aamma oqarasuaatip normua / emaililuunniit ilanngullugit uunga nassiunneqassapput tunniunneqarlutilluunniit

Qeqqata Kommunia
Aningaasaqarnermut immikkoortortaq
Postboks 1007
3912 Maniitsoq

Ilisarnaat: B-558 B-mik pisinissamik neqeroorut

Pisiarinissaanik allaganngorlugu neqeroorut allakkap puussaanut matoqqasumut poorlugu tunniunneqanngikkuni nassiunneqassaaq, kingusinnerpaamillu 2021-mi pingasunngornermi oktobarip arfernani nal. 12.00 kommunimit tiguneqareersimassalluni. Neqeroorutit piffissaagallartillugu tiguneqartut, ulloq taanna nal. 13.00 Teknikkeqarnermut Avatangiisinullu immikkoortortaqarfiup ataatsimiittarfiani neqeroorutinik ammaanermi ammarneqassapput. Neqerooruteqartut allallu soqutiginnittut, neqeroorutinik tiguneqarsimasunik ammaanermi peqataanissaminnut soorunalimi tikilluaqqusaapput.

Neqeroorutit allanngortinneqarsinnaassanngillat, piumasaqaatitaqassanngillat nangaassuteqassanatillu.
Tuniniaasup akuersineranit kingusinnerpaamik ullut tallimat qaangiuppata, pisinissamut toqqorsisoqanngikkuni qularnaveeqqusiisoqassaaq.

Neqeroorutinik tamanik Qeqqata Kommunia itigartitsisinnaatitaavoq.