airplanebooksbriefcase business cogs cross election entertainment fish house law lockmedicalpeopleselfservices socialtax

Sanaartukkat tuniniakkat

Uani takusinnaavat Qeqqata Kommunia sanaartukkat suut tuniniagaanersut  Suliariumannittussarsiuussineq uani takukkit

Qeqqata Kommunia B-514 A, Kangaamiut, 3912 Maniitsoq tuniniarpaa. 

2021-mi novembarip aallaqqaataani isumaqatigiissuteqarnikkulluunniit tiguneqassaaq. 2021 eller efter aftale.

Illu 1964-imi sanaartorneqarsimasoq, ukiuni arlalinni ataavartumik najugaqarfittut atorneqarnikuunngitsoq, 41 m2 missaanik angissuseqarpoq.

B-514 A taamatut isikkoqartillugu tuniniarneqarpoq, tunisereernerullu kingorna tuniniaasoq akisussaatinneqarsinnaanani. Tunisinermi toqqaannartumik aningaasartuutit tamarmik, pisisumit matussuserneqassapput.

Pisinissamik soqutiginnittunut B-514 A-mik alakkarterinissat Kangaamiuni Kommunip allaffianut saaffiginninnikkut pisinnaapput.

Qallunaat aningaasanngorlugu allaganngorlugu neqeroorut, illu siunissami sumut atorneqarsinnaaneranut siunnersuummik nassuiaatitalik kiisalu ateq, najugaq aamma oqarasuaatip normua / emaililuunniit ilanngullugit uunga nassiunneqassapput tunniunneqarlutilluunniit

Qeqqata Kommunia
Aningaasaqarnermut immikkoortortaq
Postboks 1007
3912 Maniitsoq

Ilisarnaat: B-514 A pisiarinissaanut neqeroorut

Pisiarinissaanik allaganngorlugu neqeroorut allakkap puussaanut matoqqasumut poorlugu tunniunneqanngikkuni nassiunneqassaaq, kingusinnerpaamillu 2021-mi pingasunngornermi oktobarip arfernani nal. 12.00 kommunimit tiguneqareersimassalluni. Neqeroorutit piffissaagallartillugu tiguneqartut, ulloq taanna nal. 14.00 Teknikkeqarnermut Avatangiisinullu immikkoortortaqarfiup ataatsimiittarfiani neqeroorutinik ammaanermi ammarneqassapput. Neqerooruteqartut allallu soqutiginnittut, neqeroorutinik tiguneqarsimasunik ammaanermi peqataanissaminnut soorunalimi tikilluaqqusaapput.

Neqeroorutit allanngortinneqarsinnaassanngillat, piumasaqaatitaqassanngillat nangaassuteqassanatillu.
Tuniniaasup akuersineranit kingusinnerpaamik ullut tallimat qaangiuppata, pisinissamut toqqorsisoqanngikkuni qularnaveeqqusiisoqassaaq.

Neqeroorutinik tamanik Qeqqata Kommunia itigartitsisinnaatitaavoq.