Unnukkut atuartitsinermi inersimasunut sammisassat pineqartarput, tamatumani kommunemi inersimasut tamarmik arlaatigut pisinnaasaminnik misiliinissaat periarfissinniarlugu, atuakkatigut pisinnaasaat annertusarsinnaaqqullugu imaluunniit allat peqatigalugit ilungersuuterujussuanngikkaluarlugu eqqissilluni timigissarnissamut periarfissaqartitsiniarluni.
Unnukkut atuartitsineq nuannersumik ingerlanneqartarpoq, tamatumani eqqissilluni nutaanik ilinniagaqarnissaq inunnillu naapitaqarnissaq eqqarsaatigalugit.
Atuarfik Kilaaseeraq, nipilersornermi ilinniarfik teletoqqamilu atuartitsivigineqassapput.
Pikkorissarfissat amerlassusii sumullu sammineri ukiup ingerlanerini allanngorartuartarput, tamatumani pikkorissarniat qanoq amerlatigisut nalunaarsimanerat apeqqutaasarluni.
Massakkut piffissami pikkorissarfissat nalunaarsorneri una toorlugu takusinnaavatit.
Qeqqata Kommuniani innuttaasut tamarmik unnukkut atuartitsinermi peqataasinnaapput.
Peqatigitillugu tunngaviusumik inersimasut tamarmik unnukkut atuartitsinissaminnut periarfissaqarput, tassa arlaatigut pisinnaasaqarfeqarunik, allanut ingerlateqqissinnaasaminnik, tamannalu unnukkut atuartitsinerup iluani ingerlatassaariinngippat.