airplanebooksbriefcase business cogs cross election entertainment fish house law lockmedicalpeopleselfservices socialtax

Sisimiuni unnukkut atuartitsineq



Unnukkut atuartitsinermi peqataaneq ilorrisimaarnartuuvoq, tassani ilinniagassat inuillu
nutaat ilinniarneqartarmata.

Unnukkut atuartitsinermi peqataanissamut allatsitoqarsinnaavoq ugguuna serravik.gl. 

Unnukkut atuartitsineq sunaana? 

Unnukkut atuartitsineq tassaavoq inersimasunik ilinniartitsinermi pilersaarut, kommunimi inersimasut tamaasa pilersitsisinnaanissamik misiliinissaannut periarfissiisoq, atuagarsornikkut ineriartornikkut imaluunniit eqqissisimasumik periuseqarluni allat peqatigalugit timersoqatigiinnikkut.

Pikkorissaanernut takussutissiaq 

Pikkorissarfiusinnaasut ukiumiit ukiumut allanngorartuupput, qassiuneri aammalu qassit allatsissimanersut apeqqutaallutik aallartittarlutik.

2020/2021-imi Unnukkut atuartitsinermi pikkorissarfigisinnaasat uani takukkit .

Qanoq allatsissaanga? 

Allatsinneq ajornannginnerutinniarlugu, nittartakkatigut allatsiffisaq immersorneqarsinnaavoq.

Nittartakkatigut ugguuna allatsigit.


Nittartakkatigut allatsissinnaanngikkuit, unnukkut atuartitsinermi pikkorissarfiusinnaasut allattorsimaffiisa tunuani allatsiffinnissamut immersoriarlugu kommunip allaffianut tunniussinnaavat.

Unnukkut atuartitsinerit ukiamiit junip 18-ata tungaanut ingerlasarput.

Peqataaffigisinnaasat arlallit allatsittut naammaleriarpata aallartittarput.

Atortussat pisariaqartitat suuneri apeqqutaallutik nammineq akilerlugit pissarsiarineqassapput.

Allatsiffiga pilersinneqassava/aallartissava? 

Atuartitsinerit ataasiakkaat pisariaqartitaq aallaavigalugu aallartittassapput, aallartinnissamulli minnerpaamik allatsittut arfineq pingasunngoraangata atuartitsineq aallartissinnaanngortarpoq.

Kikkut peqataasinnaappat?  

Qeqqata Kommuniani innuttaasut 18-inileereersimasut tamarmik peqataasinnaapput.
Aammattaaq unnukkut atuartitsinermi kikkulluunniit ilisimasaminnik ingerlatitseqqeerusuttut kiisalu inersimasunut atuartitsinermeereersimanngikkaangata atuartitsisinnaapput.

Unnukkut atuartitsineq

+299 86 64 60

serravik@qeqqata.gl