Eqqumiitsuliornermut Aningaasaateqarfimmit tapiissutinik qinnuteqarit

Eqqumiitsuliortutut suliallit suliaminnik suliniutiminnillu naammassinninnissaminnut Eqqumiitsuliornermut Aningaasaateqarfimmit aningaasaliissutigisartagaannik qinnuteqaateqarsinnaapput.

Eqqumiitsuliornermut Aningaasaateqarfik aningaasaliissutigisinnaasaannut makku qinnuteqarsinnaatitaapput:

• Inuit ataasiakkaat
• Kattuffiit
• Suleqatigiit
• Pisortat suliffeqarfiutaat
  
  

Kulturimut aningaasaliissutit pingaarnertut inuussutissarsiutigalugu eqqumiitsuliortunut nunatsinni najugaqartunut pilersitsisartunullu tunniunneqarnerusarput. Tassunga tunngatillugu inuussutissarsiutigalugu eqqumiitsuliortoq eqqumiitsuliornerit ilaannik ilinniagaqarsimasuuvoq misilittagartuujullunilu.

Aningaasat suliniutinut allanut eqqumiitsuliornermi qaffasissumik pitsaassusilinnut aamma tunniunneqarsinnaapput.

Makkununnga tapiissuteqartoqarsinnaanngilaq:

• Sammisanut qinnuteqartup nalinginnaasumik missingersuutaasa iluanni akilerneqarsinnaasutut naatsorsuutigineqartunut.
• Sammisanut qinnuteqarsinnaanermut piffissaliussap nalaani aallartinneqareersimasunut, matumani utertitsisoqarnissaa pineqarsimanngippat.
• Nittartakkanik pilersitsinermut ingerlatsinermullu.
• Ilinniarnernut pikkorissarnernullu.
• Sakkunik, atortunik, nipilersuutinik, pequtinik qarasaasianik softwarenillu pisinermut, taamaattoq tak. imm. 2.
• Saqqummersitseqqinnernut, atuakkat cd-llu ilanngullugit
  Imm. 2 Sakkunik atortunillu pisinermut tapiisoqarsinnaavoq, tamanna suliaqarnermut imaluunniit suliap suliarineqarneranut aalajangiisuulluni pingaaruteqarpat.
  
  

Una toorlugu qinnuteqarnermi malittarisassat atuarsinnaavatit

Qinnuteqaammik nassiussineq akeqanngilaq.

Eqqumiitsuliornermut Aningaasaateqarfimmit aningaasaliissutinik qinnuteqarniaruit, qinnuteqarnermi immersugassaq immersussavatit.

Qinnuteqaatissannut piumasaqaatit paasilluarusukkukkit Ilinniartitaanermut, Kultureqarnermut, Ilageeqarnermut Naalakkersuisoqarfik attaveqarfigisinnaavat uunga sianerlutit (+299) 34 57 44 imaluunniit e-mailimut: ikin@nanoq.gl

NemID-mik peqaruit
NemID-mik peqaruit Kulturimut aningaasaliissutissanik attaveqaatitigut toqqaannartumik qinnuteqaateqarsinnaavutit.

NemID-mik peqanngikkuit
NemID-mik peqanngikkuit qinnuteqarnissamut immersugassaq immersoriarlugu allanik pappialanik pisariaqartunik kakkiussillutit uunga nassiussissaatit: ikin@nanoq.gl

Una toorlugu Eqqumiitsuliornermut Aningaasaateqarfimmut qinnuteqarnermi immersugassaq aajuk

Malugiuk
Qinnuteqaatit fax-ikkut nassiussinnaanngilat.

Suliamik paasisimasallit eqqumiitsulioriaatsimi ilisimasaminni qinnuteqaatinik tiguneqartunik nalilersuissapput aammalu tapiissutinik agguaassisarneq, matumani tapiissutit angissusiat, ilusiat piffissarlu tapiissuteqarfiusoq pillugit Eqqumiitsuliornermut Aningaasaateqarfimmi siulersuisunut inassuteqaasiussallutik.

Sulianik paasisimasalinnit inassuteqaatit tunngavigalugit siulersuisut tapiissutinik tunniussissapput. Suliamik paasisimasallit inassuteqaataannut siulersuisut pisussaaffeqanngillat.

Naatsorsuutigissavat qinnuteqaativit suliarineqarnera tiguneqarneraniit sapaatit akunneri ikinnerpaamik 6-it qaangiuppata aatsaat piareerneqarluni akineqarsinnaammat. Taamaattumik qinnuteqaatinnut tunngatillugu apeqquteqarfigineqarnissat naatsorsuutigissavat aammalu aningaasanik atuinissaq eqqarsaatigalugu qinnuteqaativit piffissaagallartillugu nassiunnissaa isumagissavat.

Suliniutinut tapiissuteqarnermi tapiissutit 150.000 kr.-nit ataassimappagit kukkunersiuinissamut piumasaqaateqanngilaq. Naatsorsuutit tapiissutinik tigusisup atsiorsimasai naammapput.

Tapiissutinik ikinnerpaamik 150.000 kr.-ninik tigusisoqarsimappat naatsorsuutit kukkunersiuisumit naalagaaffimmit akuerineqartumit nalunaarsorneqartumilluunniit kukkunersiorneqarsimassapput.

Tapiissutisiarisimasatit tamakkiisumik imaluunniit ilaannakorlugit utertinneqarnissaat pisinnaavoq, ima pisoqarsimappat:

• Tapiiffigineqartup tapiiffigineqarnissamut piumasaqaataasut naammassisinnaajunnaarpagit.
• Tapiiffigineqartup tapiissutitut akuersissutigineqartunut piumasaqaataajunnartut naammassinngippagit.
• Qinnuteqartoq eqqunngitsunik paasissutissiisimappat.
• Tapiissutinik tigusisoq paasissutissanik pingaarutilinnik nassiussinissamik itigartitsisimappat, taakkununngalu naatsorsuutit ilaapput.

Qinnuteqaatit ataani ulluliussat iluanni nassiunneqassapput:

• 1. februar
• 1. maj
• 1. august
• 1. november
  
  

Ukiup 2021-ip sisamaraarterutaani kingullermi nipilersuusiornermut aningaasartuutit matussusernissanut tapiissutit kingusinnerpaamik 1. februar 2022.

• Eqqumiitsuliornikkut sulialinnut tapiissutinik qinnuteqarit
• Tips- aamma lotto-mit aningaasaliissutit - siunertanut tamanut iluaqutaasussanut (pulje C)
• Tips-ernermit Lotto-rnermillu aningaasat – Nalinginnaasumik paasissutissiineq