airplanebooksbriefcase business cogs cross election entertainment fish house law lockmedicalpeopleselfservices socialtax

Aanikasik

Meeqqerivik Aanikasik 1973-mi meeqqerivittut atuutilerpoq. Meeqqanut 54-nut inissaateqarpoq, 0-6-nik ukiulinnut. Ininut sisamanut agguagaavoq.

Ammasarfiit inilliu 

Ataasinngorneq - Tallimanngorneq

Nal.: 07:00 – 17:00.

Init:

Amaqqut: Meeraaqqanut ukioqanngitsuniit pingasunik ukiulinnut aqqanilinnut inissaqarpoq.
Puisit: Meeqqanut pingasuniit ukiulinniit atualertussanut 15-nut inissaqarpoq.
Nannut: Meeqqanut pingasunik ukiulinniit atualertussanut 14-nut inissaqarpoq.
Aqissit: Meeqqanut pingasunik ukiulinniit atualertussanut 14-nut inissaqarpoq.

Ukiumut pilersaarut uani atuaruk.

Pulaarluni sungiusarneq 

Meeqqap meeqqaniittalernissaminut toqqissilluni aallartilluarnissaa siunertaralugu uku periuserineqartarput:

Ukioqanngitsuniit pingasunik ukiulinnut: Sapaatip akunnerit marluk iluanni meeraq pulaartinneqartassaaq, sungiussilluarluni aallartinniassammat.

Pingasunik ukiulinniit atualertussanut: Sapaatip akunnerata iluani meeraq pulaartinneqartassaaq, taakkunanilu ulloq kingulleq angajoqqaaminiit qimanneqarluni nereqataassaaq, sinittarunilu sineqataalluni.

 

Meeqqerivimmukaassisarneq aallertarnerlu 

Meeraq kingusinnerpaamik ullaakkut nalunaaqutaq qulingiluanut meeqqanut apuunneqareersimassaaq. Kingusinaassagaanni nalunaaqutaq qulingiluanngortinnagu sianerluni nalunaarutigineqassaaq.

Meeraq freerpat, feeriarpat napparsimappalluunniit aamma nalunaarutigineqassaaq. Angajoqqaat meeqqaminnik allamik aallertitsiniarunik aallertussaq kinaanersoq nalunaarutigineqassaaq, allersinnaasorlu minnerpaamik aqqaneq-marlunnik ukioqalereersimassaaq.

Qaammammut pilersaarutit 

Qaammatikkaartumik perorsaasut anguniagaasigut sammisassaqartitsineq pilersaarusiortarparput. Qaammammut pilersaarutit malillugit, sapaatip akunneranut sammisassaqartitsisarlutik.

Ammasuunera 

Sananeqaatsimigut narluinnartuuvoq torsuusarsuaqarluni, taamaalilluni meeqqat sulisullu imminnut qanilaartuullutik. Sulisunik atorluaaneq ingerlanneqarpoq inimiit inimut nuuttarneq peqqutaalluni, meeqqat sulisullu imminnut ilikkapallattarput.

Attavissaq:

Esbjerg-ip aqq. 3, b nr. 750

+299 81 33 75

aanikasikmaniitsoq@qeqqata.gl