airplanebooksbriefcase business cogs cross election entertainment fish house law lockmedicalpeopleselfservices socialtax

Paarsi

Meeqqerivik Paarsi 1990-imi atulerpoq, meeqqanullu 55-inut inissaqarluni.

Init 

Meeqqat ininut pingasunut agguagaapput. Init marluk pingasuniit atualertussanut naatsorsuussaavoq, inilu ataaseq ukioqanngitsuniit pingasunik ukiulinnut naatsorsuussaalluni.

Init ima ateqarput:

  • Qilalukkat
  • Pakkalukkat
  • Niviukkat.

Ataatsimoorfiusinnaasumik inersuaqarpoq, tassunga igaffik nerisassaasivittaliusoq atavoq. Kælderimi meeqqanut eqaarsaartarfeqarpoq ilaatigut illoqarfimmiunit atorneqartarluni. Silami meeqqat pinnguartarfeqarput pinnguaasivittalik, immikkullu qamutaasiveqarluni. 

2020-mut pilersaarut uani atuaruk.

Ullormut sammisartakkat 

7.00 - 8.00: Ullaakkorsiorneq.
9.30 - 11.00: Inini aalajangersimasunik sammisaqarneq.
11.30: Ullup qeqqasiorneq. (Ataasinngorneq, pingasunngorneq, tallimanngornerlu iffiartortarput. Marlunngorneq, sisamanngornerlu igaartortarput.)
14.30: Ualikkorsiorneq.
Neriffiit akunneranni kaannaveeqqusertarput.

Ataatsimiittarnerit 

Angajoqqaanik ataasiakkaarineq ukiumut marloriarluni pisarpoq. Tamakkiisumik angajoqqaanik ataatsimiisitsineq ukiumoortumik pisarpoq.

Attavissaq:

Annertusoq 1056

+299 81 35 30

paarsimaniitsoq@qeqqata.gl