airplanebooksbriefcase business cogs cross election entertainment fish house law lockmedicalpeopleselfservices socialtax

Meeqqerivik Sisi

Meeqqerivik “Sisi” meeqqanut ataaseq affarlu ukiulinniit arfinilinnik ukiulinnut meeqqanut 60-nut inissaqarpoq. Ininut pingasunut agguataarnikuullutik.

Ammasarfiit sulisullu 

Ammasarfiit:

Ataasinngorneq - Tallimanngorneq: Nal. 07:00 - 17:00

Meeqqamik tunniussinissaq kingusinnerpaamik nalunaaqutaq qulingiluanut pisarpo. Kingusinaarniartunut nalunaaqutaq qulingiluanngortinnagu sianertoqarsinnaavoq oqarasuaammut 86 41 93.

Kingusinaarlutik takkuttut tigujumannginneqarsinnaanngillat.

Inimi ataatsimi sulisut pingasuusarput: perorsaasoq, socialhjælperi ikiortilu.

Pisortaq sulisut avataani inissisimavoq perorsaasutullu ilinniarsimalluni.

Sammisassat 

Meeqqat ullaakkut inimut ataatsimut katersorneqartarput. Nalunaaqutaq arfineq-pingasunut sulisulluunniit qiteqqutereeraangata iniminnukartarput.

Nal. 09:30 -11:00: Meeqqat iniminni sammissaqartinneqartarput.

Nal. 11:00 - 12:30: Ullup qeqqasiorlutik nerisarput.

Nal. 14:00 - 15:00: Ualikkorsiutinik nerisarput.

Nal. 15:00-miit ullup sinnera meeqqerivik tamarmi ammartarpoq, meeqqat qinigassat arlaaniissinnaallutik, soorlu silami pinnguarneq, assassorneq, illup iluani pinnguarneq, isersimaartarfillu ammartarput.

Angajoqqaanik suleqateqarneq 

Ukiumut pingasoriarlutik sisamariarlutilluunniit atuisunik ataatsimiisitsisoqartarpoq. Atuisut ukiumut pilersaarusiortarput, taavalu angajoqqaanut anguniakkagut paasissutissallu allat saqqummiunneqartarlutik.

Ukioq affakkaartumik angajoqqaat ataasiakkaarlugit oqaloqatigineqartarput. Naliliiniutinik TRAS, RABU atualertussanullu SPU misiliutigineqareeraangata.

Pingaarnertut anguniakkat 

Meeqqap nammineersinnaanissaa,nammineq pilersitsisinnaanissaa, kinaassutsiminik ilisimaarinninnissaa, minnerunngitsumillu toqqissisimanissaa anguniassallugit pingaartinneqarput.

Taakkualu angajoqqaat suleqatiginerisigut anguniarneqartarput. Meeqqap killiffii eqqumaffigineqartarput, ukiumullu anguniagaqartinneqartarlutik. Meeqqamut pineqartumut pingaarneq anguniarneqartarpoq. Angajoqqaanut immikkut paasissutissanik aamma saqqummiisoqarsinnaasarpoq.

 

Attavissaq:

Aqqusinersuaq 20

+299 86 41 93

sisisisimiut@qeqqata.gl