airplanebooksbriefcase business cogs cross election entertainment fish house law lockmedicalpeopleselfservices socialtax

Nuka - Kangerlussuaq

Meeqqerivik ”Nuka” kommunip meeqqeriviutigivaa. Ukioq 1993-imi Namminersornerullutik Oqartussat ataanni pilersinneqarsimalluni.

Nuka 

Meeqqerivik "Nuka" juunip aallaqqaataani 1995-imi inissaminut nuunneqarpoq. Piffissami tassani marlunnik immikkoortortaqarpoq, meeraaqqerivik ataasiulluni, meeqqerivittaali aamma ataasiulluni.

Meeraaqqanut immikkoortortat oktoberip aallaqqaataani 2006-imi marlunngorput. Tassani meeqqanut 48-nut sulisunullu 12-nut naatsorsuussaalluni.

Januaarip aallaqqaataa 2012 aallarnerfigalugu meeqqanut 44-nut inissaateqalerpoq 12-nik sulisoqarluni.

Ammasarfiit: 

Ataasinngorneq-  Tallimanngorneq:

Nal. 06:45 - 17:00

Meeqqerivik "Nuka" januaarip arferngani maajillu aallaqqaataani ullup affaannaani ammasarpoq.

Nalliuttuni inuiattullu ullorsiornermi meeqqerivik matoqqasarpoq.

Malittarisassat / Ataqqinninneq: 

“Nuka”-mi malittarisassagut ataqqineqarnissaat kissaatigivagut. Soorlu, pinnguartarfimmi ungalut meeqqaniit angajoqqaaniillu qulaanneqassanngillat. Silami taamaallaat arsartoqarsinnaavoq aamma nerivimmi nerisarput, (asimiittuusaanngikkaanni). Meeqqat illersorniarlugit malittarisassaqarpoq, allallu pigisaanik ataqqinninnermik ilinniartinneqartalutik.

 

Ileqqut: 

“Nuka”-mi ileqquulersimasut ataavartippagut. Soorlu, juullerpalaartitsineq, seqinersiorneq, anaalerineq, asiaqatigiinneq il.il.

Angajoqqaanik ataatsimiinnermi ataasiakkaarisarneq: 

Angajoqqaanik ataasiakkaarilluni ataatsimiisitsisarneq ukiumut marloriarluni neqeroorutaasarpoq. Ataatsimiinneq minutsini 15-ini 20-niluunniit sivisussuseqartarpoq. Qitornassi qanoq ineriartornera qanorlu innersoq ataatsimiinnermi eqqartorneqartarput.
Uummammioqarussi meerarsi pillugu oqaatigerusutassinnik, sulisut oqaluunnissaannut tikilluaqqusaajuaannarpusi.
Angajoqqaat sulisullu akunnerminni suleqatigiilluarnissaat pingaaruteqarpoq.

Atuisoqatigiit ataatsimiinnerat: 

Meeqqanut suli atualinngitsunut perorsaanikkut inerikkiartuutaasumik ulluunerani neqeroorutit pillugit Inatsisartut inatsisissaattut siunnersuutt nr. 16, 3. december 2012 – meersoq naapertorlugu atuisut ukiumut sisamariarlutik ataatsimiisinneqartarput.