airplanebooksbriefcase business cogs cross election entertainment fish house law lockmedicalpeopleselfservices socialtax

Uiluinniarsinnaanermut qinnuteqarneq

Paasissutissat nalinginnaasut 

Inuussutissarsiutigalugu aalisartuuguit, inuussutissarsiutigaluguluunniit aalisartoorusukkuit uiluinniarnermut akuersissummik pigisaqassaatit. Eqqaamassavat angallatit 6 meterit sinnerlugit angissusillit taamaallaat uiluinniarnermut akuersissummik pisinnaammata.

Eqqaamassavattaaq eqqiluisaarnissaq pillugu immikkut piumasaqaateqarlunilu malittarisassaqarmat, tassanilu danskit inatsiseqarnerat malinneqarmat. Aalisarnermi piumasaqaatit naammassisassallu pillugit ilisimasaqarnissat pisussaaffigaat.

 

Piumasaqaatit 

Inuussutissarsiutigalugu aalisartuuguit inuussutissarsiutigaluguluunniit aalisartuuniaruit sinerissap qanittuani uiluinniarnissamut akuersissutaateqassaatit. Aalisarnermi akuersissut tassaavoq aalisakkat aalajangersimasut pisassiissutigineqartut malittarisassaqartinneqartullu pillugit inuussutissarsiutigalugu aalisarnermut akuersissut.

Taakku saniatigut qinnuteqarnermi naatsorsuutigineqarnissamut piumasaqaatit tunngavigisallu arlallit naammassisimassavatit.

Akuersissummik qinnuteqarsinnaavutit:

  • Nammineq inuttut
  • Piginneqatigiilluni umiarsuaatileqatigiiffittut
  • Ingerlatseqatigiiffittut

Aalisarnermut akuersissut ima aalisarnermut atuuppoq:
  • Aalisakkamik aalajangersimasumik
  • Sumiiffimmi aalajangersimasumi
  • Ukiumi ataatsimi januarip aallaqqaataanit decembarip 31-ianut

Sinerissap qanittuani aalisarnermi aalisariutinut piumasaqaatit
  • Angallatit 6 meterit sinnerlugit takissuseqarpat angallat inuussutissarsiutitut akuerisaasimassaaq aamma Søfartsstyrelsenimi nalunaarsorsimassaaq. Illit nammineq akisussaaffigivat angallativit nalunaarsorneqarnissaanut. Aalisarnermut akuersissummik qinnuteqarnermut atatillugu angallativit nalunaarsorneqarsimaneranut uppernarsaat ilanngullugu nassiutissavat.
  • Angallatit 6 meterinit takineruppat naalagaaffimmut atassuteqarneranut allagartaa, illit angallammik piginnittuuninnut uppernarsaatitut angallatillu kalaallit nunaannut attuumassuteqartoq aamma angallatip uuttuutaanut aallagartaq angallatip imartussusaanik takutitsisoq aalisarsinnaanermut qinnuteqaammut ilanngullugit nassiunneqassapput.

 

Aqutsiveqarfiit 

Uiluinniarneq aqutsiveqarfinnut arfineq marlunnut agguagaavoq:

  • Nuuk
  • Aqajarua (matoqqavoq)
  • Attu
  • Sisimiut kujataani
  • Sisimiut avannaani
  • Nassuttooq
  • Kalaallit Nunaata sinnerani

 

Qinnuteqarneq 

Uiluinniarnissamut qinnuteqarniaruit qinnuteqarnermut immersugassaq immersorsimassavat.

Malugiuk akuersissut ukiumut pisassiiffiusumut ataatsimut atuuttarmat, ukiullu tamaasa akuersissummik nutaamik qinnuteqartassaatit. Ukioq pisassiiffiusoq tassaavoq 1. januarimiit 31. decemberimut.

Qinnuteqarnermut immersugassaq eqqortumik immersorneqarsimassaaq, ilanngussallu uku tapiliunneqassapput:

  • Ingerlatseqatigiiffimmik piginnittuuneq pillugu allagartaq atuuttoq
  • Angallatip uuttuutai pillugit allagartap assilinera
  • Angallatip naalagaaffimmut attuumassuteqarneranik uppernarsaatip assilinera

Una tooruk, uiluinnarnissamullu qinnuteqaatit nassiullugu

 

Qinnuteqaatit nassiunneqartut suliarineqarneri 

Uiluinniarniarnissamut akuersissummik qinnuteqaatit Aalisarnermut, Piniarnermut Nunalerinermullu Naalakkersuisoqarfimmut nassiutereerukku taanna nalunaarsorneqassaaq, tiguneqarneranillu uppernarsaammik pissarsissaatit. Qinnuteqaativit suliarisinnaanissaanut atugassatut Naalakkersuisoqarfik paasissutissanik amerlanerusunik ilinnit pisariaqartitsiguni attavigineqarumaarputit.

  • Uiluinniarnissamut kingusinnerpaamik qinnuteqarfissaq tassaavoq 30. november. Qinnuteqaatit tamarmik aatsaat suliarineqassapput qinnuteqarnissamut piffissarititaasup qaangiutereernerani.
  • Naalakkersuisut ukiut tamaasa uiluiit pillugit annertunerpaamik akuerineqarsinnaasumik pisarineqarsinnaasut (TAC) aalajangersartarpaat.
  • Naalakkersuisut qinnuteqartunut pisassiissutinik agguaassisarpoq.
  • Sulianik ingerlatsineq naammassereerpat, Naalakkersuisullu qinnuteqartunut pisassinneqartunut akuersissutinik tunniussereerlutik pisassiissutinik agguaassereernerisigut, qinnuteqartunut pisassinneqarsimanngitsunut itigartitsissummik tunngavilersukkamik nassiussisoqassaaq.
  • Ileqquusutut decembarip naalernerani januarilluunniit aallartinnerani qinnuteqaatinnut akissummik tigusaqassaatit.

Qinnuteqariaatsimut allanik apeqqutissaqaruit Aalisarnermut, Piniarnermut Nunalerinermullu Naalakkersuisoqarfimmut attaveqarnisssamut tikilluaqqusaavutit.

 

Qinnuteqarnissamut piffissarititaasoq 

Uiluinnik aalisarsinnaanermut ukiup tullianut qinnuteqarnissamut piffissaliussaq tassaavoq ulloq 30. november.

Aatsaat qinnuteqarnissamut piffissaliussap 30. novembarip kingorna suliamik ingerlatsineq aallartissaaq.

 

Maalaaruteqarneq 

Oqartussat aalajangeeriaasiat aallaaviatigut maalaarutigisinnaanngilat. Qinnuteqaatilli akuerineqassanngikkaluarpat tunngavilersuummik tunineqarumaarputit. Aalajangiineq kukkusumik tunngavilerneqarsimasorigukku imaluunniit paatsoortoqarsimasoq Aalisarnermut, Piniarnermut Nunalerinermullu Naalakkersuisoqarfimmut maalaaruteqarsinnaavutit, taassumalu ilinnut suliaq nalileqqitassatut ingerlassinnaavaa. Qinnuteqaativit akuerineqannginneranut allakkiaq tigugukku piaarnerpaamik Naalakkersuisoqarfimmut maalaarutit nassiutissavat.

Maalaarutit allakkatiguussaaq aamma sooq sunalu pillugu maalaaruteqarnerlutit allassavat. Eqqaamajuk maalaarutigerusutat pillugu aalajangiinerup assilinera ilanngutissagakku, taannami suliap ingerlanneqarneranut iluaqutaassammat.

Aalisarnermut, Piniarnermut Nunalerinermullu Naalakkersuisoqarfiup maalaarutit nalilersussavaa suliarlu ilinnut tunngasoq ingerlanneqareerpat attavigineqarumaarputit.

 

Aamma atuarsinnaasatit

Qeqqata Kommunia
Postboks 1014
3911 Sisimiut
Oqarasuaat: (+299) 70 21 00
Fax: (+299) 70 21 77
E-mail: qeqqata@qeqqata.gl
Nittartagaq: www.qeqqata.gl
Aalisarnermut, Piniarnermut Nunalerinermullu Naalakkersuisoqarfik
Imaneq 1A, 701
Postboks 269
3900 Nuuk

Oqarasuaat: (+299) 34 50 00
Fax: (+299) 34 63 55
E-mail: aalisa@nanoq.gl
Nittartagaq: www.apnn.gl