airplanebooksbriefcase business cogs cross election entertainment fish house law lockmedicalpeopleselfservices socialtax

Sinerissap qanittuani saarullinniarnissamut qinnuteqaat

Paasissutissat nalinginnaasut 

Inuussutissarsiutigalugu aalisartuuguit imaluunniit aalisartunngorusukkuit saarullinniarnissamut akuersissuteqartuarnissat pisariaqarpoq.

Kalaallit Nunaanni sinerissap qanittuani saarullittassiissutip nungunnissaata tungaanut saarullinniartoqartarpoq. Tassa sinerissap qanittuani aalisartut tamarmik pisassiissut taanna aalisartarpaat.

 

Piumasaqaatit 

Inuussutissarsiutigalugu aalisartuuguit imaluunniit aalisartunngorusukkuit sinerissap qanittuani saarullinniarsinnaanermut aalisarnermut akuersissummik pigisaqassaatit. Aalisarnermi akuersissut tassaavoq aalisakkanik pisassiissutigineqartunut killilersorneqartunullu inuussutissarsiutigalugu aalisarnermik imaluunniit sunngiffimmi aalisarsinnaanermut akuersissut.

  • Aalisarnermut atortunut attavigineqarnissamut paasissutissiinissamik pisussaatitaavutit, soorlu ateq kinguliarlu, angallatip aqqa angallatillu GR normua ilanngullugit.
  • Aalisaatit annaasatit qaqissallugit pisussaatitaavutit, qaqeriarnissaannillu iluatsitsinngikkuit aalisaatitit annaasatit kommuninnut aamma gflk@nanoq.gl-imut nalunaarutigissallugit pisussaatitaavutit.

Aalisakkanik assigiinngitsunik malittarisassaqartinneqartunik pisassiissutigineqartartunillu aalisarusukkuit, akuersissummik qinnuteqassaatit, tamanna atuuppoq imaattuuniaruit:
  • Inuussutissarsiutigalugu umiatsiaaqqamik aalisarneq
  • Angallammik aalisarneq, imaluunniit

Tamatuma sanitigut qinnuteqarnermi naatsorsuutigineqarsinnaanermut piumasaqatit tunngavissallu arlallit naammassisimassavatit.

Akuersissummik qinnuteqarsinnaavutit:
  • Inuttut
  • Umiarsuaataatilinni piginneqataaguit
  • Ingerlatseqatigiiffik

Aalisarnermut akuersissut ima aalisarnermut atuuppoq:
  • Aalisakkamik aalajangersimasumik aalisarnermut
  • Sumiiffimmi aalajangersimasumi aalisarnermut
  • Ukiumi ataatsimi januarip aallaqqaataanit decembarip 31-ianu

Umiatsiaararsorluni inuussutissarsiutigalugu aalisarnissaq pillugu qinnuteqarnissamut piumasaqaatit tunngavigisallu

Inuussutissarsiutigalugu umiatsiaaqqamik aalisartunngorniarlutit qinnuteqaruit ataani taaneqartut qinnuteqaammut attuumassutillit ilanngutissavatit.
  • Imarsiorsinnaanermik ilinniarsimanermik allagartat ilanngunneqassapput
  • Aalisarnermut piniarnermullu peqatigiiffimmiit oqaaseqaat
  • Aalisarnermiit sulisitsisumiit oqaaseqaat
  • Inuussutissarsiutigalugu siunnersortimiit oqaaseqaat

Sinerissap qanittuani aalisariutinut piumasaqaatit
  • Angallat 6 meterit sinnerlugit takissuseqarpat inuussutissarsiutigalugu angallatitut akuerineqarsimassaaq, Søfartsstyrelsenimillu nalunaarsorneqarsimassalluni. Illit nammineq angallativit nalunaarsorneqarnissaa akisussaaffigivat. Aalisarsinnaanermut qinnuteqaammi angallativit nalunaarsorneqarsimanera uppernarsaatitut ilanngutissavat.
  • Aalisariutaatit 6 meterinit anginerusimassappat naalagaaffimmut attuumaffigisamut illillu angallatit kalaallit nunaannut attuumasuusoq illillu angallammik piginnittuusutit aamma angallatip uuttuutaanut allagartaq aalisarsinnaanermik akuersissummik qinnuteqaammut ilanngullugit nassiunneqassapput.

 

Qinnuteqarneq 

Sinerissap qanittuani saarullinniarnissamut akuersissummik qinnuteqarniaruit illit kommuninni inuussutissarsiornermut siunnersortimut saaffiginnissaatit.

Aalisarnissamut akuersissutit sinerissamut qanittumi avataasiorlunilu aalisarnissamut tunniunneqartarput. Akuersissut ukiumut pisassiiffiusumut ataatsimut atuuppoq ukiullu tamaasa akuersissummik nutaamik qinnuteqartassaatit. Ukioq pisassiiffiusoq 1. januaarimiit 31. december tungaanut atuuttarpoq.

Maluginiassavallu ullormit akuersissummi allassimasumiit aatsaat atuutilissammat ukiup pisassiiffiusup naanissaata tungaanut.

 

Piffissaliussat 

Sinerissap qanittuani saarulliniarsinnaanermut akuersissummik ukioq kaajallallugu qinnuteqarsinnaavutit.

 

Qinnuteqaatinut nassiussanut suleriaaseq 

Aalisarsinnaanermut akuersissummik qinnuteqaatit kommunimi najugarisami suliarineqartarput. Inuussutissarsiutigalugu aalisartunut piumasaqaatit naammassigukkit akuersissummik tunineqarsinnaavutit.

Umiatsiaararsorluni aalisarneq

  • Umiatsiaararsorluni aalisarnermut akuersissutaatit nutartissagukku kommunip akuersissusiussinnaavaatit.
  • Siullermeertumik umiatsiaararsorluni aalisarnermut akuersissummik qinnuteqaruit, taava qinnuteqaatit kommunip Aalisarnermut Piniarnermullu Naalakkersuisoqarfimmut suliassanngorlugu ingerlateqqissavaa.

Angallatinik aalisarneq
  • Angallammik aalisarnermut akuersissutaatit nutartissagukku, taava qinnuteqaatit kommunip Aalisarnermut Piniarnermullu Naalakkersuisoqarfimmut ingerlateqqissavaa, taassumallu qinnuteqaatit suliarissavaa.
  • Siullermeertumik angallammik aalisarnermut akuersissummik qinnuteqaruit, taava qinnuteqaatit kommunip Aalisarnermut Piniarnermullu Naalakkersuisoqarfimmut ingerlateqqissavaa, taassumallu qinnuteqaatit suliarissavaa.

Qinnuteqaatinnut ullut 14-t ingerlaneranni akissutisissaatit. Qinnuteqaativit suliarineqarnissaanut paasissutissat amigarpata attavigineqarumaarputit.

Qinnuteqariaatsimut apeqqutissaqaruit Aalisarnermut Piniarnermullu Naalakkersuisoqarfimmut attaveqarnissamut tikilluaqqusaavutit.

 

Maalaaruteqarneq 

Oqartussat aalajangeeriaasiat aallaaviatigut maalaarutigisinnaanngilat. Qinnuteqaatit akuerineqassanngikkaluarpat tunngavilersuummik tunineqarumaarputit. Aalajangiineq kukkusumik tunngavilerneqarsimasorigukku imaluunniit paatsoortoqarsimasorigukku, Aalisarnermut Piniarnermullu Naalakkersuisoqarfimmut maalaaruteqarsinnaavutit, taassumalu ilinnut suliaq nalileqqitassatut ingerlassinnaavaa. Qinnuteqaativit akuerineqannginneranut allakkiaq tigugukku piaarnerpaamik Aalisarnermut Piniarnermullu Naalakkersuisoqarfimmut maalaarutit nassiutissavat.

Maalaaruteqarnerit allakkatiguussaaq aamma sooq sunalu pillugu maalaaruteqarnerlutit allassavat. Eqqaamajuk maalaarutigerusutat pillugu aalajangiinerup assilinera ilanngutissagakku, taannami suliap ingerlanneqarneranut iluaqutaassammat.

Aalisarnermut Piniarnermullu Naalakkersuisoqarfiup maalaarutit nalilersussavaa suliarlu ilinnut tunngasoq ingerlanneqareerpat attavigiumaarlutit.

 

Aamma atuarsinnaasatit

Qeqqata Kommunia
Postboks 1014
3911 Sisimiut
Oqarasuaat: (+299) 70 21 00
Fax: (+299) 70 21 77
E-mail: qeqqata@qeqqata.gl
Nittartagaq: www.qeqqata.gl
Aalisarnermut Piniarnermullu Naalakkersuisoqarfik
Imaneq 1A, 701
Postboks 269
3900 Nuuk

Oqarasuaat: (+299) 34 50 00
Fax: (+299) 34 63 55
E-mail: aalisa@nanoq.gl
Nittartagaq: www.apn.gl