Eqalunniarneq

Eqalunniarnermi (Salvelinus alpinus) ileqqutoqqat atorneqarput aalisagarlu inuuniarnermut pisariaqartunut tapiissutitut atorneqarnerusarluni. Eqalunniarneq ileqqut malillugit aasivinnerup ilagiinnarpaa, taamaattumillu kuuit ilaat ilaqutariinni ataasiakkaani kinguaariinnit arlalinnit orninneqartuartarlutik. Ukiuni kingullerni sukisaarsaatigalugu eqalunniarneq soqutigineqarneruleriartorpoq.

Eqaluk iluanaarniutaanngilaq, taamaammallu Kalaallit Nunaanni najugaqavissut taakkuninnga aalisarsinnaatitaapput. Inuussutissarsiutigalugu piniarnermut uppernarsaateqaruit assersuutigalugu kalaalimineerniarfimmi eqalunnik tunisisinnaavutit.

Taamaallaat makku atorlugit eqalunniarsinnaavutitt:

• Sukisaarsaatigalugu aalisarnermut oqummersat
• Qalut naatsunnguamik ipullit qassutillu nigartai tasillugit minnerpaamik 100 mm-it

• Qassutit 30 meterinit takinerussanngillat
• Qassutit piginnittup aqqanik, angallatip aqqanik angallatilluunniit normuanik nalunaaqutsersimassapput
• Qassutit ningisimatillugit tamatigut nakkutiginnittussaavutit.
  Aalisarfik qimalerukku, qassutit pigatit qaqissavagtit, qanorluunniit qassutit takissuseqaraluarpata

Qassusersornermi maleruagassat makku malissavatit:

• Kuunni taakkualu tasinngortaanni qassusersorluni eqalunniarneq inerteqqutaavoq
• Tatsini eqalunniarnermi kuuit tatsimut akuaniit kuuillu aariaanniit 100 m-init qaninnerusumut qassuserneq inerteqqutaavoq.
• Tatsini qassusersornermi qassutit tatsip sinaaniit akimut ikertussusiata aggornerisa pingajorarterutaat sinnerlugu takissuseqassanngillat
• Kuup naaffianit sammiviit arlaanni 150 meterimit qaninnerusumi qassusersorneq inerteqqutaavoq
• Qassutit timaatungaat ulinnerani immap angusagaanut attuumasunngorlugit nivinngarneqartassapput
• Qassutit imartap ikertussusiata pingajorarterutaa sinnerlugu takissuseqassanngillat
• Qassutit narlusuumik nunamiit avammoorlugit nivinngarneqassapput. Pisaqarujussuarnissaq siunertaralugu qassutit allatut ilusilerlugit nivinngarnissaat inerteqqutaavoq
• Qassutit eqalunniutit qassutinut tullernut minnerpaamik 30 meterinik akunnilerlugit nivinngarneqartassapput
• Ujaqqanik sapusiat atorlugit eqalunniarsimagaanni, eqalunniarfik qimatsinnagu saputit ingerlaarfissalerlugit ammarneqassapput.

Qassutit atorlugit taamaallaat eqalunniartoqarsinnaavoq piffissami 15. junimiit 25. septemberi ilanngullugu.

Aalisaatit allat atorlugit ukioq naallugu aalisarsinnaavutit.

• Sinerissap qanittuani qaleralinniarsinnaanermut akuersissummik qinnuteqarneq
• Uiluinniarsinnaanermut qinnuteqarneq
• Saattuarniarnissamut akuersissummik qinnuteqarit
• Kapisilinniarnissamut qinnuteqarit
• Sinerissap qanittuani nipisanniarsinnaanermut qinnuteqaat
• Sinerissap qanittuani saarullinniarnissamut qinnuteqaat