Sisimiut Kangerlussuullu akornanni aqqusinermik pilersitsinissaq Qeqqata Kommuniata kissaatigaa. Kangerlussuarmit Kangerluarsuk Tullermut nunamut 130 km-sut isorartutigisumut ASN-imik nassuiaat kommunip suliarinikuuaa. Immikkoortumut 1-imut ASN-imik nassuiaat taanna, 2020-p aallartinnerani tamanut tusarniutigineqarnikuuvoq. Qeqqata Kommuniata Kangerlussuup Kangerluarsuk Tulliullu akornanni ATV-inut aqqut 2020-21-mi suliaraa.
Sisimiut tungaanut aqquserngup sinneranut 20 km-eriusumut, ASN-imik nassuiaat immikkut ittoq maannakkut suliarineqarpoq. Qeqqata Kommunia neriuppoq, ATV-nut aqqut 2022-p aasaanerani nunami tassani suliarisinnaassallugu.
ATV-nut aqqut kingusinnerusukkut aqqusinivinngortinneqassasoq naatsorsuutigineqarpoq. Aqquserngiorluni suliniutaasussavik, ujaraaqqat atorlugit aqqusinertut, aqquserngup sinaa ilanngullugu 7 meter-ip missaanik tukimut takissusilittut, ilusilersorneqassaaq. Ujaraaqqanik aqquserniap ilaani, uninngaartarfinnik perusuersartarfinnillu pilersitsisoqassaaq
"Sisimiunit Kangerluarsuk Tullermut aqqusineq"-mik sanaartornissamut ASN-imik nassuiaatip (Avatangiisinut sunniutaasussat nalilersornerat) tamanut tusarniutigineqarnera saqqummiunneqarnikuuvoq. Immikkoortoq 2-p tusarniutiginera 2022-mi februaarip 18-at tikillugu ingerlassaaq.
Immikkoortoq 2-mut ASN-imik nassuiaat uani aaneqarsinnaavoq. Tusarniaaneq 2022-mi februaarip 18-at ilanngullugu ingerlanneqassaaq. Suliniut pillugu Taseralimmi 2022-mi februaarip arfineq-pingajuanni innuttaasunik ataatsimiisitsisoqassaaq, nal 19.30.
Immikkoortoq 1-imut ASN-imik nassuiaat uani aaneqarsinnaavoq. 2020-mi februaarimi Sisimiuni Kangerlussuarmilu innuttaasunik ataatsimiisitsinermi saqqummiunneqartut, uani aaneqarsinnaapput.
Qeqqata Kommuniata Sisimiut aamma Kangerlussuup akornanni aqquserniornissani kissaatigaa. Kommunip Kangerlussuarmiit Kangerluarsuk Tullermut aqqusinissamut 130 km-inik isorartussuseqartussamut ASN-imut nassuiaat suliarisimalerpaa. Sisimiunut aqqusinissap sinnera 20 km-inik isorartussuseqartoq ASN-imut nassuiaammi immikkoortumi sammineqarluni suliarineqarpoq.
Aqquserniassaq inaarutaasoq ujaraaqqanik qallerneqarluni sinaakkutaa ilanngullugu 7 meterit missaannik silissuseqartinneqassaaq. Aqqusineq ujaraaqqanik qalligaq sinerlugu unittarfiit perusuersartarfiillu sananeqassapput. Kangerluarsuk Tullermi talittarfiliortoqassaaq, angallatit minnerit taliffigisinnaasaannik.
Immikkoortoq 2-mut ASN-imik nassuiaammut ilanngussat tulliuttuni aakkit:
Ilanng. 1, ilanng. 2, ilanng. 3, ilanng. 4, ilanng. 5, appendiks A aamma B ilanngussaq 4-mut