airplanebooksbriefcase business cogs cross election entertainment fish house law lockmedicalpeopleselfservices socialtax

Atorfiit inuttassarsiorneqartut

Atorfiit inuttassarsiorneqartut Qeqqata Kommuniani
Job
Qeqqata Kommuniani Sisimiuni Sulisoqarnermut immikkoortortaqarfimmi Sulisoqarnermut siunnersortitut- taartaagallartutut atorfik inuttasarsiuunneqarpoq

Qeqqata Kommuniani Sulisoqarnermut immikoortortami pissanganartunik suliassartaqartumi suleqatigiinnut peqataarusuppit. Piginnaasalimmik pimoorussilluartumillu piaartumik isumaqatigiinnikkulluunniit sulisussarsiorpugut.

Sulisoqarnermut immikkoortortami Qeqqata Kommuniani - Sisimiuni Maniitsumi kiisalu nunaqarfinni allaffissornikkut suliffeqarfinnilu pisortanik siunnersuisarpugut. Sulisoqarnermut tunngatillugu inatsisilerinermi apeqqutit pillugit aqutsisunik suleqateqarluta oqaloqateqartarpugut, inatsisillu malillugit allaffissornikkut sulisoqarnermut suliat isumaqatigiissutilerinikkut, atorfillit pillugit inatsisilerinikkut, sulianik suliarinnittarneq pillugu inatsisilerinikkut allatigullu attuumassuteqartunik inatsisilerinikkut eqqortumik ingerlanneqarnissaanut qulakkeerinnissalluta.

6. december 2019
Suliffik takujuk
Job
Qeqqata Kommunia piffissap ilaani pinaveersaatitsisumik kiisalu piffissap ilaani Pinerluttunik isumaginnittoqarfimmi isumassuinermi ikiortimik pissarsiorpoq

Taamaalilluni piffissami tamakkiisumik atorfik ataatsimoortitaalluni.
Atorfik Kommunip allaffeqarfiani inissisimasuuvoq.

Ilaatigut kommunimi nal. 8-12 akornanni sulinissat kiisalu ilaatigut nal. 12-16 akornanni Pinerluttunik isumaginnittoqarfimmi sulinissat naatsortsuutigaarput, tamannalu atorfiit marluusut akornanni sulineq nikerartinneqarsinnaakutsoorluni. Frihedenimi Pinerluuteqarsimasunik isumaginnittoqarfimmi sineriak tamakkerlugu, Ilulissanit Tasiilaq tikillugu, sulisunit qanimut suleqatigiinnertaqassaaq, Nuummilu immikkoortortaqarfimmik pingaarnertut suleqatigiinneq ingerlanneqassalluni.

Pinaveersaartitsinerup aamma meeqqat inuusuttullu akornanni Pinerlunniarnermut pinaveersaartitsinerup Pinerluttunillu isumaginnittoqarfiup iluani akimortumik ataqatigiissumillu suliaqartoqarnissaata sulisup qulakkiissagaa kissaatigaarput.

29. november 2019
Suliffik takujuk
Job
Qeqqata Kommunia Kangerlussuarmi meeqqat inuusuttullu ornittagaanni pisortassarsiorpoq

Qeqqata Kommuniani Kangerlussuarmi sunngiffimmi sammisassaqartitsivimmi pisortatut atorfik inuttassarsiorneqarpoq.

Sunngiffimmi sammisassaqartitsivik meeqqanut inuusuttunullu 6-niit 21-t tikillugit ukiulinnut ammasarpoq, 2006-imilu januaarip aallaqqaataani atulersumi Qinnguata Atuarfiani inimi qullermiilluni. Piffissami matumani meeqqat inuusuttullu 120-t arfinilinniit 21-t tikillugit ukioqartut atortarpaat.

29. november 2019
Suliffik takujuk
Job
Nalunnguarfiup Atuarfia Sisimiuniittoq ataatsimik ilinniartitsisussarsiorpoq

Ilinniartitsisumik ataatsimik ilinniartitsisussarsiorpoq angajullerni ilinniartitsisartussamik.

27. november 2019
Suliffik takujuk
Job
Maniitsumi innarluutilinnut immikkoortortaq tapersersortimik sulisussarsiorpoq

Meeqqamik immikkut pisariaqartitsisoqarnera aallaavigalugu, Maniitsumi Ilaqutariinnermut immikkoortortap innarluutilinnut immikkoortortaani immikkut tapersersortissamik qinnuteqartitsineq allagarsiuppaa.
Immikkut tapersersortitut atorfik innarluutilinnut immikkoortortap ataani tapersersortinut ataqatigiissaarisup akisussaaffiata ataani inissisimasuuvoq.

27. november 2019
Suliffik takujuk
Job
Sisimiuni Ikiorsiisarnermut immikkoortumut immikkoortumi aqutsisoq

SISIMIUT MISILIGUK
Sisimiut illoqarfiuvoq pissanganartoq, qalipaatigissumik kultureqarlunilu pinngortitaqartoq kiisalu timersornermik peqatigiiffilerinermillu ingerlatsilluarfiusoq.

Sisimiuni Ilaqutariinnermut Immikkoortortaq Ikiorsiisarnermut immikkoortumut immikkoortumi aqutsisumik 2019-imi decembarip aallaqqaataani atorfinittussamik pissarsiorpoq, taassuma ersarissumik aqutsineq aammalu pisortanit ikiorsiissutit pillugit Ilaqutariinnermut Immikkoortortamut saaffiginnissutinik piukkunnartumik sullissinisap qulakkeerneqarnissaa pingaarnertut suliassarivaa.

Ikiorsiisarnermut immikkoortup innuttaasut tigusarpai aammalu siunnersorlugit ilitsersorlugillu, pisortanit ikiorsiissutinik naatsorsuuttarlugit, iliuusissatut pilersaarusiuuttarlugit ataatsimiititaliarisamullu innersuussutinik suliaqartarluni.

Ikiorsiisarnermut immikkoortortaq atorfinnut tallimanut inuttaligaavoq: Immikkoortortami aqutsisoq ataaseq sullissisullu sisamat.

Ikiorsiisarnermut immikkoortumi namminerisamik innuttaasunik sullissiveqarpoq: Tigooraavik, tassani innuttaasut saaffiginnittarlutik. Tassanngaaniit saaffiginnissutaannut tunngatillugu sullinneqalertarput.

Ilaqutariinnermut immikkoortortap ataaniipput Ikiorsiisarnermut immikkoortortaq, Utoqqarnut immikkoortortaq, Meeqqanut inuusuttunullu immikkoortortaq, Innarluutilinnut immikkoortortaq Allatseqarfillu.

Pisortamut tullersorti ilaqutariinnermullu pisortaq ilanngullugit, Ilaqutariinnermut immikkoortortaq sulisinut 25-nut amerlassusiligaavoq.

Ikiorsiisarnermut immikkoortoq annertunerusumik Meeqqanut- aamma Ilaqutariinnut immikkoortumik aamma Utoqqarnut immikkoortumik aammali Suliffissarsiuussisarfimmik Majoriamillu suleqateqarnerusarpoq.

Taassuma saniatigut, Ilaqutariinnermut immikkoortortaq tamakkerlugu suliat pillugit ataatsimeeqatigiittarnermik aammalu sapaatip akunnikkaartumik nunaqarfiit allaffiinik ataatsimeeqateqartarnernik qanimut suleqatigiittoqarpoq, tassanilu immikkoortumi aqutsisoq peqataasarportaaq.

25. november 2019
Suliffik takujuk
Job
Ilaqutariinnermut immikkoortortap ataani Ikiorsiisarnermut immikkoortortami Tigooraavimmi sullissisoq

Sisimiuni Ilaqutariinnermut immikkoortortap ataani Ikiorsiisarnermut immikkoortortami Tigooraavik sullissisumik pissarsiorpoq, tassani innuttaasut Ilaqutariinnermut immikkoortortamut saaffiginnittut isumagineqartarlutik, kiisalu innuttaasut pisortaniit ikiorsiissutinik pisartagallit pisartagaqalertussalluunniit sullinneqarnissaannik nassaartoqartassalluni.
Ikiorsiisarnermut immikkoortortaq atorfinnut pingasunut inuttaligaavoq: Immikkoortortami aqutsisoq ataaseq sullissisullu marluk.
Ilaqutariinnermut immikkoortortap ataaniipput Ikiorsiisarnermut immikkoortortaq, Utoqqarnut immikkoortortaq, Meeqqanut inuusuttunullu immikkoortortaq, Innarluutilinnut immikkoortortaq Allatseqarfillu.
Ilaqutariinnut immikkoortortaq sulisunut katillugu 25-nut amerlassusiligaavoq, tassanilu tullersorti ilaqutariinnermullu pisortaq ilaallutik.
Ikiorsiisarnermut immikkoortortap Meeqqanut inuusuttunullu immikkoortortaq, Utoqqarnut immikkoortortaq, Suliffissarsiuussisarfik Majoriarlu qanimut suleqatigai.
Taassuma saniatigut Ilaqutariinnermut immikkoortortami tamani qanimut suleqatigiinneqarpoq ataatsimoorussamik suliat pillugit ataatsimeeqatigiittoqartarlunilu aammalu nunaqarfimmi allaffiit ataatsimeeqatigineqartarlutik.

25. november 2019
Suliffik takujuk
Job
Sisimiuni Innuttaasunik sullissivik overassistentissarsiorpoq

Qeqqata Kommuniani Sisimiuni Innuttaasunik sullissivimmi overassistentitut atorfik inuttassarsiorneqarpoq.
Innuttaasunik sullissivik atorfinnut arfinilinnut aalajangigaavoq: immikkoortortami pisortaq overassistentillu tallimat.

25. november 2019
Suliffik takujuk
Job
Perorsaasutut atorfik inuttassarsiugaq

Qeqqata Kommunia, Maniitsoq, Meeqqerivik ”Kuunnguaq” marlunnik perorsaasunik 01. december 2019 imaluunniit isumaqatigiissuteqarnikkut atorfinittussamik pissarsiorpoq.

Kuunnguaq-mi pissutsit:
Meeqqerivik atorfik tamakkiisumik suliffiuvoq sapaatip akunneranut nalunaaquttap akunneri 40-t suliffiulluni. Meeqqerivik meeqqanut 80-inut inissaqartitsivoq. Agguarneri meeqqerivittaani 20, meeraaqqerivittaani 60-nik meeraateqarlutik.
Meeqqerivik ammasarfigai ataasinngornermiit tallimanngornermut 06:45 – 17:00. Meeqqerivinni ingerlatsineq Områdechef for Udd., daginst. Kultur, fritid, Erhvervs- og Arbejdsmarked ataani inissisimavoq, Perorsaanermik ataqatigiissaarisoq meeqqerivimmik siunnersuineq ilitsersuinerlu isumagisarpai.

25. november 2019
Suliffik takujuk
Job
Maniitsumi atuarfiit nutarterneqarnissaannut Qeqqata Kommunia sanaartortitsisutut siunnersortissarsiorpoq / sanaartornermik nakkutilliisussarsiorpoq

Atuarfik Kilaaseeraq annertuumik ukiorpaaluillu ingerlanerini nutarterneqartussanngorpoq. Kangaamiuni atuarfiup nutarterneqarnissaa aallartisarneqalerpoq. Taamaattumik suliassanut taakkununnga siunnersortaasinnaasumik / nakkutilliisuusinnaasumik Qeqqata Kommunia pisariaqartitsivoq.

Atuarfiit nutarterneqarnerat naammassippata, sanaartortitsisutut siunnersorti Teknikkimut Avatangiisinullu Immikkoortortami aalajangersimasumik atorfininnissaminut periarfissaqassaaq.

Aaqqissuussaanikkut atorfik Maniitsumi Ilinniartitaanermut immikkoortortami Ilinniartitaanermut pisortap ataaniissaaq, taamaakkaluartorli Teknikkimut Avatangiisinullu Immikkoortortaq qanimut suleqatigineqassalluni.

22. november 2019
Suliffik takujuk
Job
Qeqqata Kommuniani Maniitsumi Pitsaaliuinermi siunnersortissarsiorpoq

Maniitsumi Ilaqutariinnermut Immikkoortortap ataani Ilaqutariinnut Inerisaavik-imi
sulisartussamik pitsaaliuinermi siunnersortitut atorfik inuttassarsiuunneqarpoq. Illoqarfimmi nunaqarfimmilu sulianut attuumassuteqarlutik suleqatit qanimut suleqatigalugit, pitsaaliuinermi siunnersortip pinaveersaartitsinikkut peqqinnerulersitsinissamillu suliniuteqartarluni, siammasissumik suliaqartarpoq.
Pitsaaliuinermi siunnersortip Maniitsumi Ilaqutariinnut Inerisaavimmi pisortaq qaninnertut pisortarivaa.

22. november 2019
Suliffik takujuk

Qeqqata Kommuniani meeqqat atuarfianni atorfininniarluni qinnuteqaat