Pisarneq malillugu kommunip allaffiata saani orpimmik ikitsinissamut peqataajartorit.
Pilersaarut:
Nal. 15:00 Tikilluaqqusineq kiisalu Borgmester Hermann Berthelsen orpimmik ikitsissaaq oqaaseqarlunilu.
Nal. 15:05 Illoqarfimmi erinarsoqatigiit atussavaat ”Ikinneqarpoq orpik”
Nal.15:15 4. & 6. kl. Minngortuunnguup atuarfianeersut
Nal. 15:20 Meeqqat tamarmik Juulimaannguaq atussavaat, taava Juullip Inua kommunip allaffianiit aggissaaq.
Nal. 15:30 Juullip inua peqatigalugu orpiliartoqassaaq erinarsoqatigiit peqatigalugit atorneqassalluni.
Nal. 15:40 Meeqqat 0-14 ukiullit puussiaaqqanik agguaavigineqassapput.
STARK-imut orpimmik tunnissuteqarnermut qujanaq, taamatullu Royal Arctic Line-mut orpimmik angallasineranut qujanaq.
Mamakujuttut
Meeqqanut puussiaaqqanut billitsit meeqqerivinni atuarfinnilu agguaanneqassapput.
Meeqqat meeqqerivimmit atuarfimmiilluunniit billitsimik tunineqarsimanngitsut kommunip allaffissuani Ilinniartitaanermut immikkoortortamut novembarip 30-at tikillugu aallersinnaapput.
Sapaassuarsiorluarnissassinnik Qeqqata Kommuniata kissaappaasi.