Nammineq kajumissutsimik suliaqartut isumasioqatiginissaanut qaaqqusissut
Peqatigiiffippassuarni nammineq kajumissutsimik suliaqarneq toqqamaviusorujussuuvoq.
Namminermi kajumissutsimik suliaqartut sulisinnaassusertillu peqatigiiffinnut atortarpaat piumasaqaatitaqanngitsumik.
Amerlasoorpassuit ulluinnarni peqatigiiffiit ingerlanneqarneranut piffissamik tunisisarput. Taamaattumik Qeqqata Kommuniata nammineq kajumissutsimik suliaqartartut isumasioqatigiinnissaanut qaaqquaasi, tassani paasiniassagatsigu qanoq akornatsinni suleqatigiinnerput nukittorsarsinnaaneripput. Isumasioqatigiinnikkut nammineq kajumissutsimik sulisartut pingaartinneqarneri takutikkusupparput.
Nammineq kajumissutsimik suliaqartut piffissaqartuaannanngillat, uummateqarpulli.
Isumasioqartigiinnerup siunertaraa innuttaasut akornanni nammineq kajumissutsiminnik sulisartut illoqarfimmioqatigiinnut tunisisarnerpassui ukkanneqarnissaat. Isumasioqartigiinnermi peqatigiiffiit piumassutsimillu suliaqartut isumassarsiorsinnaapput kajumernerulersinnaallutillu, tamaasillutillu aamma aporfiit ajornannginerusumik qaangerniarnissaanut sakkussaqalissallutik qanorlu ani-ngaasaateqarfinnut qinnuteqarsinnaanermik ilitsersuunneqarsinnaallutik.
Inissat killeqarput taamaattumik nalunaapallannissaq innersuutigineqarpoq. Peqatigiiffinnik peqataasussat annerpaamik marluusinnaapput.
Nalunaarfissaq kingulleq: 26. oktober 2016 nal. 2016 uunga panf@qeqqata.gl imaluunnniit kris@qeqqata.gl. Annertunerusumik paasisaqarusukkussi oqarasuaat 867320 siarnerfigisinnaavarsi.
Suna: Nammineq kajumissutsimik suliaqartunut isumasioqartigiinneq
Qaqugu: Marlunngorneq 8. november 2016
Sumi: Taseralik
Qassinut: 16.30-miit 21.00-imut
Isumasioqatigiinneq ilaatigut imaqarpoq:
• Isumassarsiornartunik saqqummiinerit
• Nerrivinni oqallinnerit
• Unnukkorsiorneq
• Atorneqarsinnaasunik ilitsersuineq (immersugassat, aningaasaateqarfinnut qinnuteqar nerit, aningaasaliisussarsiorneq)
Naapinnissassinnut qilanaarluta
Inussiarnersumik inuulluaqqusilluta
Paninnguaq Fleischer-Lyberth, atuilluartuunissaq pillugu siunnersorti
Kristina Würtz Poulsen, atuilluartuunissaq pillugu siunnersorti
Fali Kleist, sammisaqartitsinermut inspektøri
Qillaq Banemann, timersornermut pinngortitamullu siunnersorti
Ida Abelsen, pitsaaliuinermi siunnersorti