Imminut toqunneq naaggaarpara

Ilaqutariinnut ikinngutinullu eqqugaasunut Qeqqata Kommunia ikiuigasuarnermik ingerlataqarsimavoq, neqeroorullu taanna arlalinnit tigulluarneqartarpoq. Sisimiuni imminut toquttarnerup pinaveersaartinnissaanut pikkorissarsimasunik peqarpoq, taakkulu Sisimiuni Amerloq-mi sisamanngorneq maajip 16-iani nal. 19.30 innuttaasunik ataatsimiisitsinissaminnik pilersaaruteqarput.
Inuit ataasiqakkaat aliasuuteqarnerisa ukkatarinissaat ataatsimiinnerup siunertarinngilaa.
Illoqarfimmi innuttaasut sapinngisamik amerlasuut takkunnissaat neriutigaarput, taamaalilluta suliassaq oqimaatsoq ataatsimoorluta kivitseqatigiissinnaaniassavarput.
- Illoqarfitsinni imminut toquttarneq unitsinniarlugu ataatsimoorluta qanoq iliorsinnaavugut?