Atuilluartuunissamik suliniut kommunimi innuttaasunut tamanoortuuvoq.
Atuilluarnissamik suliniummi innuttaasut akuutinneqarnerat innuttaasut namminneq suliniutaannik soorlu assersuutigalugu isumaginninnikkut suliniutinik, ilinniartitaanermut suliniutinik, sunngiffimmi sammisanut akimortunik imaluunniit avatangiisinik pitsanngorsaanermik pissasoq ilimagaarput.
Agguaatassanut malittarisassanullu aalajangersimasunut suliniutinut aningaasanik atuilluarnissamut aningaasaliissutit aqqutigalugit qinnuteqarsinnaavutit - uani qinnuteqarfissaq aaguk.
Qinnuteqarnissamut killiliussaq: 1. oktober aamma 1. april
Siunertaq
Qeqqata Kommunia 2021-mi inuiaqatigiinni atuilluartuunissanimik anguniagaqarpoq. Tamatumunnga atatillugu atuilluartuunissamik suliniutinut agguaatassianik immikkoortitsisoqarnikuulluni.
Atuilluartuunissamik suliniutinut agguaatassiatigut siunertaavoq, innuttaasut, peqatigiiffiit suliniaqatigiiffiillu kajumissutsimikkut suliniutaat tapersersussallugit, tassa inuiaqatigiit imminnut napatilluarsinnaasut kissaatigalugit suliniuteqarfigippatigit.
Atuilluartuunissamik suliniutinut agguaatassiat ukiumut marloriarluni oktobarip 1-ani apriilillu 1-ani qinnutigineqarsinnaassapput.
Tapiissuteqarsinnaanissamut piumasaqaatit aalajangersakkallu
Tapiissutit tunniunneqarsinnaassassapput matuma kinguliani piumasaqaatini ataaseq arlallilluunniit naammassineqarsimappata:
- Suliniutit atuilluartuunissamik ersarissumik siunertaqarpata. Atuilluartuunissaq imartuujuvoq, taamalu isumaginninnermik, ilinniartitaanermik, teknikkimik, avatangiisinik imaluunniit inuutissarsiuteqarnermik pingaartitaqartuussinnaallutik. Imaluunniit taakkunannga arlallit imarisinnaallugit.
- Suliniutit ataatsimuussutsimik pilersitsinissamut ilapertuutaasinnaasut.
- Suliniutit innuttaasunik immikkut pisariaqartitsisunik akuutitsilluartut.
- Suliniutit peqataasunut peqqinerulissutaasinnaasut.
- Suliniutit peqataasut ilisimasaasigut ilinniagaqarnermikkulluunniit iluaqutigisinnaasaat.
- Suliniutit illoqarfinni/nunaqarfinni nunaannarmiluunniit avatangiisinik pitsaanerulersitsisinnaasut.
Piumasaqaatit allat:
- Suliniutit peqatigiiffinnik kajumissutsimikkut suliniuteqaqaataasut, peqatigiiffiilluunniit akornanni kajumissutsikkut suliniuteqaateqarfiusut.
- Suliniutit atuilluartuuunissamik paasititsiniutaaffiusut (soorlu paasititsiniaaniutit).
- Suliniutit, siunnerfinnut atuilluartuunissamilluunniit suliniutitut nutaamik eqqarsalersitsisinnaasut.
Tulliuttunut tapiissuteqartoqarsinnaanngilaq:
- Akissarsiatigut ingerlatsinikkullu aningaasartuutinut. Suliniutit kajumissutsimik soqutiginninnermillu aallaaveqassapput, taamaattumillu aningaasatigut iluanaarniutaasussaanatik. Peqatigitillugu imminnut akilerluarsinnaasuussapput, imatut paasillugu, akissarsiaqartitsinani suliarineqassasut, taamalu kommunip ataatsimoortumik missingersuutaasigut sunniuteqartussaasussaanatik. Taamaattorli aallarnisarnermi immikkut pisoqarsinnaalluni.
- Pisortat suliffiutaat
- Kajumissutsimik suliniutaasussaapput, siulersuisut sulinerinik aallaveqartussaallutik.
- Suliniutinut kiisalu politikkikkut, upperisarsiornikkut, aliikkusersuinertigut iluanaarniarnermilluunniit peqatigiiffiit siunertallit.
- Nuna tamakkerlugu suliniutit.
Qinnuteqarneq
- Imaqassaaq suliniutip allaatiginera, allartinnissaanut/ingerlannissaanut piffissaa, sammisassat, sooq suliniutip atuilluartuuneranut allaatiginninneq. Aammattaaq qinnuteqaat imaqassaaq missingersersuutinik, erseqqissumik takuneqarsinnaalluni suna pillugu qinnuteqarnerluni (immersuiffissaq takuuk) .
- Tamanna pissaaq suliniutip aallartinnginnerani, suliniullu aallartissanngilaq, tapiiffigineqarsinnaanersoq aalajangertoqartinnagu.
- Qaammatit pingasut suliniutip naammassineraniit nassiunneqassapput naatsumik suliniutip qanoq ingerlasimanera, missiliorlugu peqataasut qanoq amerlatiginersut il.il. Kiisalu naatsorsuutit.
Atuilluartuunissamut aningaasaateqarfimmut immersuiffissaq Word-imiittoq aasinnaavat.
Imaluunniit Internet atorlugu immersuigit Sullissivik.gl aqqutigalugu
Qinnuteqaat uunga nassiunneqassaaq
qeqqata@qeqqata.gl - nalunaaqutserlugu Atuilluartuuneq