airplanebooksbriefcase business cogs cross election entertainment fish house law lockmedicalpeopleselfservices socialtax

Kommunip pilersaarusiorfigineqarnerani tapiliussaq nr. 33

Sømandshjemmimik aamma Kalaallit Guest House allilerneqarsinnaaneranut kommunip pilersaarusiorfigineqarnerani tapiliussassatut nr. 33-ssatut siunnersuummk tamanut saqqummiineq.
16. december 2019

Sisimiuni Sømandshjemmimik aamma Kalaallit Guest House allilerneqarnissaanut Kommunip pilersaarusiorfigineqarnerani tapiliussassatut nr. 33-ssatut siunnersuut piffissami 2019-imi novembarip 16-ianit 2020-mi februaarip qulingata tungaanut tamanut saqqummiunneqarpoq, pilersaarutitut siunnersuummut oqaaseqaatinik kikkut tamarmik takkussaqarsinnaanissaat siunertaralugu.

Kangerlussuup tungaanut aqqusinissamik pilersitsinikkut, UNESCO-immikkoortumik akuersissutigineqarnerani takornariaqarnermik annertusaanikkut kiisalu takornariaqarnikkut akuersissutit assigiinngitsut ineriartortinneratigut, maannakkut takornariaqarnikkut ineriartortitsinerup ingerlaannarnissaa annertusiartornissaalu naatsorsuutigineqarpoq.

Tamanna Sisimiuni unnuiffiusinnaasunik pisariaqartitsinermik annertusaataassaaq, taamaattumillu matumani pilersaarutikkut periarfissanik annertusaaqataassalluni.

Pilersaarut kommunip nittartagaatigut uani takuneqarsinnaavoq www.qeqqata.gl imaluunniit Qeqqata Kommunia, Teknikkimut Avatangiisinullu immikkoortortami pilersaarusiornermut immikkoortortamut saaffiginninnikkut tunniunneqarsinnaalluni.