Sisimiut eqqaani imeqarfiup killeqarfilerneqara pillugu Pinngortitamut, Avatangiisinut aamma Inatsisinik atuutsitsinermut Naalakkersuisoqarfiup nalunaarutaata imeqarfik aqqusaarlugu qamuteralannik ingerlatsisinnaanerit pisinnaatippaa.
Taamaattorli aqqutitigut nalunaarsorsimasukkut kisimi.
Qamuteralannik ingerlaarfigisinnaasat, majuartaatip tungaanut aqqummi qooroq tikinngilaarlugu ikaartarfimmit aallartippoq. Tassanngaaniit majuartaat eqqaqqullugu, Qerrortusup Majoriaatigut imeqarfiup killeqarfiata avataanut. Ingerlaarfissap avataatigut arlaqanngitsutigut aamma ingerlaarsinnaavutit, taamatullu Qerrortusuup Majoriaata kujataatunginnguani sungiusartarfimmi aamma ingerlasinnaavutit.
Ingerlaarfikkut 10 meterisut silissusilikkut ingerlasoqarsinnaavoq. Ingerlaarfiit sungiusarfiillu nunap assingani takukkit.
Nalunaarusiaq aqqutigalugu kommuni imeqarfiup killeqarfiata nalaani ujakkaarnermi illiniliorsinnaatitaavoq kiisalu Alanngorsuarmi majuartaammik ingerlatsisinnaatitaalluni.
Siku isumannarunnaarpat aammalu naasut nunalu innarlerneqarsinnaajunnaarlugit naammattumik aperiarpat, qamuteralannik ingerlaffissiat erfalasuaqqanik nalunaarsorneqassapput. Nuna qamuteralannik ingerlaarfigineqarsinnaajunnaarpat erfalasuaqqat peerneqartassapput. Erfalasuaqqat ikkussorneqarsimatillugit aatsaat tamaani ingerlaarsinnaavutit. Qamuteralaat qamussuillu kisimik angallatigeqqusaapput.
Ingerlaarfissat nalunaarsukkat kisiisa malillugit ingerlagit. Kuukkut ingerlaartillutit, siku qupititerlugu kivinnginnissat pillugu,kuuk sinerlugu ingerlaassaatit,.
Ingerlaarfissat nalunaaqutsersorneqarsimasut sungiusarfiillu avataatigut ingerlaaqqusaanngilatit. Ukiukkuinnaq tamaana ingerlaqqusaavutit. Kommunip nittartagaani imeqarfiup killeqarfiata iluani angalasinnaaneq pillugu nalunaarusiaq atuaruk
Imeqarfiup killeqarfiani unioqqutitsilluni ingerlaartoqarneranik takuguit politiinut nalunaarutigiuk. Imeqarfiup killeqarfiani angallanermut maleruagassanik unioqqutitsineq akiliisitsinikut pineqaatissiissutaasinnaavoq.