ARCTIC CIRCLE ROAD AQQUTIGALUGU TAKORNARIALERINERUP INERIARTORTINNEQARNISSAA
Arctic Circle Road-ip pilersinneqarnissaata takor- narialerinerup ineriartortinneqarnera tunngavissiivoq.
Arctic Circle Road Kangerlussuup Sisimiullu akornanni allannguissaaq tulliuttut patsisigalugit:
1.Illoqarfiit marluk akornanni akikinnerusumik, eqaannerusumik, imminnullu atanngitsumik angallassinissami Arctic Circle Road akikinnerulersitsissaaq
2. Arctic Circle Road-ip nunaannarmi sumiiffimmut ammaassissaaq
3. Kangerlussuarmi unnuisarfinnut aningaasaliissuteqarnissami tunngavissaqarnissamut Arctic Circle Road qulakkeerinnissaaq
Arctic Circle Road pillugu inuiaqatigiit aningaasaqarnerinut sunniutaasinnasut pillugu
Arctic Circle Business aamma Qeqqata Kommunia misissueqqissaarnikuuvoq.
Inuiaqatigiit aningaasaqarnerinut sunniutaasinnasut pillugit misissueqqissaarinissami
Aningaasaqarnermut Naalakkersuisoqarfiup 2015-imi apriilimi ilitsersuusiaa naapertorlugu misissueqqissaarneq suliarineqarpoq.
Aalajangiiffiginissaa tunngavissaqartikkumallugu Kalaallit Nunaani Naalakkersuisut Oxford Global Projects (OGP) imissimavaat Arctic Circle Road pillugu arlaannulluunniit attuumassuteqanngitsumik aarlerinartoqarsinnaaneranik nalilersueqqullugu. Navianassusaa pillugu nalilersuinermi uani anguniagassatut aalajangersakkat tassaapput: i) ingerlanniagaq nalunaajassallugu, ii) suliniummi aningaasartuutinut, anguniagassatut pilersaarusiamut iluaqutaasinnaasunullu tunngasut suut navianarsinnaasut kinaassusersiunngitsumik aamma arlaannulluunniit attuumassuteqanngitsumik nalunaajassallugit, aamma iii) suliniutip siunissami ingerlariaqqinnissaa pillugu inassuteqaasiornissaq
Sisimiut Kangerlussuullu akornanni ATV-nut aqqut Sisimiut Kangerlussuullu akornanni Arctic Circle Road-i aqqusineqalernissamut aallarniutaassaaq.
Aqquserngup sukkoortinneqarnissaa pillugu assigiinngitsunik misissueqqaarnerit ingerlanneqarput Rambøll-imiik ukiuni 2013 aamma 2016
Aqqusinniassamut qanganisarsiornikkut takusaaneq, qanganitsanik eriagisassanik imaaliallaannaq peerneqarsinnaanngitsunik aqqusinniornermi aammalu attaveqarnermi malittaasumi akornuserneqarsinnaasunik suussusersiinissaq siunertaralugu, aqqummi 200 meterisut atitutigisumi ingerlanneqarpoq.