airplanebooksbriefcase business cogs cross election entertainment fish house law lockmedicalpeopleselfservices socialtax

Tusarniutit

Uani eqqaamiorisanut tusarniutit pilersaarusiornermullu tusarniutit takusinnaavatit.

Kangerlussuarmi illoqarfimmikineriartortitsinermut kommunip pilersaarusiorfigineqarnerani tapiliussassatutnr. 47-ssatut siunnersuummik saqqummiineq 

Kangerlussuarmi illoqarfimmik ineriartortitsinermut kommunip pilersaarusiorfigineqarnerani tapiliussassatut nr. 47-ssatut siunnersuut 2021-mi februaarip 25-ani kommunalbestyrelsip ataatsimiinnermini akuersissutigivaa piffissamilu 2021-mi marsip 12-aniit 2021-mi maajip qulingata tungaanut tamanut oqallisissiassanngorlugu saqqummiunneqarpoq.

Kangerlussuup avannaatungaani Køkkenfjeld / Mount Hassel-imi illoqarfimmik tulluartumik ineriartortitsineq qulakkeerniarlugu, Kommunip pilersaarusiorfigineqarnerani tapiliussaq suliaavoq. Ungasinnerusoq eqqarsaatigalugu pilersaarusiorneq pineqarpoq, immikkoortup arfineq-pingasunut avillugu immikkoortumut ineriartortitsinermut pilersaarutitut pingaarnertut isigineqarsinnaasoq. Køkkenfjeldimi sanaartorfissagissaanissaq aammalu UNESCO nunarsuarmiunut kingornussassaqarfimmut Aasivissuit-Nipisat tikeraanut centerimik tassani inissiinissaq pillugu Qeqqata Kommuniata Pilersaarusiornermut periusissiaanut 2018 - 2022-mi anguniakkanut kommunip pilersaarusiorfigineqarnerani tapiliussatut siunnersuut tapertaavoq.  UNESCO tikeraanut centerip saniatigut, kommunip pilersaarusiorfigineqarnerani tapiliussaq hotellinik inissiaqarfinillu pilersitsinissamut periarfissiissaaq, kiisalu sumiiffimmi innuttaasunut takornarissanullu ukiuunerani sammisassanut assigiinngitsunut pilersaarusiorfiup nunataata ilaa atorneqarnissaanissaanut periarfissiivoq.

Kommunip pilersaarusiorfigineqarnerani tapiliussassatut siunnersuut 2021-mi maajip qulingani piffissaliussaq qaanngiutsinnagu tamanit oqaaseqaateqarfigineqarsinnaavoq. Malitsigisaanik oqaaseqaatit suliarineqassapput aammalu pilesaarummik kommunalbestyrelsimut inaarutaasumik innersuussinissamut ilaatinneqarlutik.

Pilersaarut kommunip nittartagaani www.qeqqata.gl tusarniaanerit ataanni takuneqarsinnaavoq kiisalu Qeqqata Kommuniata digitalimik kommunip https://pilersaarut.qeqqata.gl/ pilersaarutaani tusarniaanerni ingerlasuni takuneqarsinnaavoq imaluunniit Teknikkeqarnermut Avatangiisinullu immikkoortortami Pilersaarusiornermut immikkoortumut saaffiginninnikkut tunniunneqarsinnaavoq.

Tusarniaanermut akissuteqaatit uunga nassiunneqassapput:

 

Qeqqata Kommunia

Postboks 1014

3911 Sisimiut

E-mail qeqqata@qeqqata.gl