Utoqqaat Angerlarsimaffiat Qupanuk Qaqqaliartarfiup qaarpiaaniippoq immamut sammilluni avatangiisinullu kusanartumik isikkiveqarluni.
Utoqqaat Angerlarsimaffiat 1983-imi sananeqarpoq kingornalu 2016-mi allineqarluni, ullumikkullu najugalinnut 42-nut inissaqarluni ataatsimillu qasuersaartarfeqarluni.
Init paaqqutarisarialinut, puigortunngortunut aammalu asseqqasumik immikkoortumik agguataagaapput.
Utoqqaat Angerlarsimaffiat Qupanuk najugaqartunut pingasunik sinniisuutitaqarpoq, qanigisanut suleqatigiissitaqarluni kiisalu 70-nik sulisoqarluni.
Taassuma saniatigut Utoqqaat Angerlarsimaffiat Ulluunerani ornittagaqarpoq, innuttaasunut illoqarfimmi najugalinnut kiisalu Utoqqaat Angerlarsimaffiani najugalinnut ullut tamaasa piffissami nal.:10:00 - 14:00 sammisassaqartitsiviusoq.
Utoqqaat Angerlarsimaffiat aamma peqqinnissamut, persorsaasunngornianillu, inuussutissalerinermut allaffissornerullu iluani ilinniartunut ilinniartoqarfiuvoq.
Utoqqaat Angerlarsimaffiata Qupanuup suleqatigaattaaq Peqqissaanermik ilinniarfik Nuummiittoq, ilinniartuutigisarlutigit sundhedsassistentinngorniat, sundhedshjælperinngorniallu aammalu Ilinniagaqarsimanngitsunut piginnaasanik inerisaanissamut suliniut” (PKU) - ilinniarsimanngitsunik piginnaanngorsaaneq aqqutigalugu piginnaasatigut piviusumik nalilersuinertalimmut ukiumi ataatsimi sivisussusilimmut Peqqissutsimut ikiortinut ilinniartitsisarpoq.
Utoqqaat angerlarsimaffiata Issittumik Utoqqaliartornermik suliniut pillugu Københavns Universiteti 2018-imili suleqatigaa, tassungalu tapertaliullugu aamma Københavns Professionshøjskole pissarsiffiulluartumik suleqatigineqarpoq, ilaatigut Psykomotorisk Terapeut-itut ilinniartunik suliffimmi misiliisussanik Qupanuk tigusisarluni.
2023-mi suleqatigineqalerportaaq UCN professionshøjskole perorsaasunngorniarnermik ilinniartut suliffimmik misiliisinnaanngorlutik.
Utoqqaat Angerlarsimaffiat inunnut qulingiluanut ilaasoqarsinnaasumik kaassuartakkanik atuisumut ataatsimut inissalimmik busseqarpoq, ulluunerani ornittakamukartut aasarlugit angerlaattarlugillu aamma asiartitsinermut atorneqartarluni aammalu najugaqartunut ullut tamaasa assartuutitut atorneqartarluni aamma isumaqatigiissuteqarsimasunut.
Utoqqaat angerlarsimaffianni kioski nammineq kajumissutsiminik ingerlanneqartoq sapaatip akunneranut marloriarluni akikilliliisarpoq. Tamatuma saniatigut aamma kajumissutsiminnik pulaartartoqarpoq aaqqissuussanilu assigiinngitsuni taakku ikiuuttarput, assersuutigiinnarlugu bankortitsinerni ikiuuttarlutik.
Anguniakkat, takorluukkat naleqartitallu
Najugaqartuutitsinnut pitsaanerpaamik isumassuillutalu sullisserusuppugut, aammalu sulisunut suliffittut kajungernartoorusulluta.
Sulisunut neqeroorutigaarput naleqquttumik ilinniagaqartitsinissaq, taamaalilluta nutaanik ilisimasaqartuaannalerumalluta suliassanullu malinnaalluta.
Ataqqinninneq, inussiarnersuuneq aammalu akuersaarneq isumassuilluarluni passussinermut aallaaviupput, taakkualu ullut tamaasa Utoqqaat Angerlarsimaffianni Qupanuk-mi ingerlanneqartarput.
Utoqqaat angerlarsimaffianni pisortaq: Hendrine Poulsen Lund hplx@qeqqata.gl